مکتوبات احمد (جلد پنجم) — Page 153
مکتوبات احمد ۱۵۳ جلد پنجم اعزاز آپ کو حاصل رہا۔ چنانچہ آپ نے ۱۹۰۹ء ۔ ۱۹۱۰ء میں سینئر ٹرینڈ مدرس تعلیم الاسلام سکول قادیان کی حیثیت سے سلسلہ کی دینی و تعلیمی خدمات کا آغاز فرمایا ۔ ۱۹۱۴ء ۱۹۱۴ء سے ۱۹۲۱ء - تک تعلیم الاسلام ہائی سکول قادیان کے ہیڈ ماسٹر رہے۔ اسی دوران کچھ عرصہ کے لئے ریویو آف ریلیجنز اُردو و انگریزی کے ایڈیٹر بھی رہے۔ جنوری ۱۹۲۳ء سے دسمبر ۱۹۲۵ء تک آپ امریکہ میں تبلیغ اسلام کے فرائض سرانجام دیتے رہے ۔ ۱۹۲۶ء سے ۱۹۴۲ء تک دوبارہ ہیڈ ماسٹر کی حیثیت سے تعلیم الاسلام ہائی سکول قادیان میں خدمات بجالائے ۔۱۹۴۲ء سے ۱۹۴۷ء تک گرلز ہائی سکول قادیان کے ہیڈ ماسٹر اور مینیجر کے عہدہ پر مامور رہے۔ ہجرت کے بعد اکتوبر ۱۹۴۷ء سے لے کر اپریل ۱۹۶۵ء تک صدرا انجمن احمد یہ میں بطور ناظر تعلیم جماعت کے تعلیمی اداروں کی نگرانی وراہنمائی کا فریضہ بجالاتے رہے۔ بعد ازاں مئی ۱۹۶۶ء سے لے کر مارچ ۱۹۸۳ ء تک آپ صدرا نجمن احمد یہ کے صدر کے منصب جلیلہ پر فائز رہے اور اس طرح ۱۹۰۷ء سے لے کر ۱۹۸۳ء تک عہدِ وقف اور عہدِ خدمت کو نہایت شاندار اور قابلِ رشک انداز سے نبھا کر ایک حسین نمونہ قائم فرما گئے ۔ حضرت خلیفۃ المسیح الرابع نے اپنے خطبہ جمعہ فرمودہ اار مارچ ۱۹۸۳ء میں آپ کے متعلق فرمایا کہ تمام عمر آپ ایک نہایت ہی پاک نفس اور درویش صفت انسان کے طور پر زندہ رہے ۔ کوئی انانیت نہیں تھی کوئی تکبر نہیں تھا ۔۔۔ ایسا بچھا ہوا وجو د تھا جو خدا کی راہوں میں بچھ کر چلتا تھا ۔ ذکر الہی سے ہمیشہ آپ کی زبان تر رہتی ۔ آپ زندگی کے آخری سانس تک داعی الی اللہ رہے۔ آپ نے اللہ تعالیٰ کے فضل سے قریباً ۱۰۲ سال کی عمر پائی اور اپنی زندگی کا ہرلمحہ حقوق اللہ اور حقوق العباد کی ادائیگی کی خاطر صرف کیا ۔ * تلخیص از قرار داد تعزیت صدرانجمن احمد یه بروفات حضرت مولوی محمد دین صاحب