مکتوبات احمد (جلد چہارم) — Page 7
مکتوبات احمد جلد چهارم بِسْمِ اللَّهِ الرَّحْمَنِ الرَّحِيمِ نَحْمَدُهُ وَنُصَلِّي عَلَى رَسُولِهِ الْكَرِيمِ میرے آقا اور میرے مولا خدا آپ کا حامی و ناصر ہو۔ آمین السلام علیکم ورحمۃ اللہ و برکاتہ حضور ایک کھال چیتل کی پیش خدمت کر کے ملتجی ہوں کہ قبول فرمائی جاوے اور اس خاکسار غلام کے حق میں دعا فرمائی جاوے کہ اللہ تعالیٰ قوت ایمانی اور توفیق اعمال صالحات عطا فرما دے ۔ حضور میں بہت ہی کمزور اور قابلِ رحم ہوں ۔ اللہ میرے واسطے خاص طور سے دعا فرمائی جایا کرے ۔ حضور ایسا ہو کہ میری زندگی دین کی خدمت میں حضور کے منشا اور رضائے الہی کے عین مطابق ہو جاوے۔ حضور میری یہ بھی خواہش ہے کہ یہ کھال حضور کی نشست گاہ میں ایسی جگہ رہے جہاں ہمیشہ میرے واسطے حضور کی خدمت میں دعاؤں کے واسطے عرض کرتی رہے ۔ فقط ۱۵ اپریل ۱۹۰۸ء خاکسار غلام عبد الرحمن قادیانی احمدی مکتوب نمبر ۴ السلام علیکم ورحمۃ اللہ و برکاتہ کھال پہنچ گئی ۔ جَزَاكُمُ اللهُ خَيْرًا - انشاء اللہ اپنے استعمال میں لائی جاوے گی ۔ والسلام مرزا غلام احمد