مکتوبات احمد (جلد دوم)

مکتوبات احمد (جلد دوم) — Page 569

مکتوبات احمد ۵۶۹ جلد دوم مکتوب نمبر ۱۷۲ پوسٹ کارڈ بِسْمِ اللَّهِ الرَّحْمَنِ الرَّحِيمِ نَحْمَدُهُ وَنُصَلِّي عَلَى رَسُولِهِ الْكَرِيمِ مکرمی اخویم ۔ السلام علیکم و رحمۃ اللہ و برکاتہ عنایت نامہ پہنچا۔ میں افسوس سے لکھتا ہوں کہ در حقیقت باعث بیماری مجھ سے تحریر جوابات میں کوتاہی ہوئی اور اب بھی پوری تندرستی نہیں ہوئی ۔ اسی وجہ سے زیادہ لکھنے سے سخت مجبور ہوں ۔ اگر چند سطر میں بھی لکھوں تو سر گھوم جاتا ہے۔ ضعف بہت ہے۔ باقی خیریت ہے۔ ۲۸ رنومبر ۱۸۸۹ء والسلام خاکسار غلام احمد از قادیان ضلع گورداسپوره مکتوب نمبر ۱۷۳ پوسٹ کارڈ بِسْمِ اللَّهِ الرَّحْمَنِ الرَّحِيمِ نَحْمَدُهُ وَنُصَلِّي عَلَى رَسُولِهِ الْكَرِيمِ مکرمی اخویم ۔ السلام علیکم و رحمۃ اللہ و برکاتہ عنایت نامہ پہنچا اور نہایت خوشی ہوئی ۔ خدا تعالیٰ آپ کو مکروہات سے بچاوے ۔ انشاء اللہ القدیر آپ کے لئے بجد و جہد دعا کروں گا۔ اپنے حالات سے مجھے مطلع فرماتے رہیں اور استغفار میں بہت مشغول رہیں کہ اس میں دفع بلا ہے۔ زیادہ خیریت ہے ۔ ۷ دسمبر ۱۸۸۹ء والسلام خاکسار غلام احمد از قادیان