مکتوبات احمد (جلد دوم) — Page 481
مکتوبات احمد ۴۸۱ جلد دوم مکتوب نمبر ۴۳ پوسٹ کارڈ بِسْمِ اللَّهِ الرَّحْمَنِ الرَّحِيمِ نَحْمَدُهُ وَنُصَلِّي عَلَى رَسُولِهِ الْكَرِيمِ مشفقی مکرمی اخویم سلمہ ۔ بعد سلام مسنون ۔ عنایت نامه : نامہ پہنچا۔ آپ کو ہر طرح اختیار ہے جس کو چاہیں مفت دے دیں اور اگر ممکن ہو تو پانچ جلد عمدہ خوبصورت اسی نمونہ کی جو میں نے دکھلایا تھا تیار کرا کر ساتھ لے آویں یا بھیج دیں۔ زیادہ خیریت ہے۔ چوہدری محمد بخش صاحب کو سلام مسنون ۔ ۷ اکتوبر ۱۸۸۶ء مکتوب نمبر ۴۴ ملفوف خاکسار غلام احمد عفی عنہ بِسْمِ اللَّهِ الرَّحْمَنِ الرَّحِيمِ نَحْمَدُهُ وَنُصَلِّي عَلَى رَسُولِهِ الْكَرِيمِ مخدومی مکرمی اخویم سلمۂ تعالیٰ ۔ بعد سلام مسنون ۔ یہ عاجز قادیان پہنچ گیا ہے اور یہ بات اطلاعاً لکھنا مناسب ہے کہ آں مکرم اس روپے سے جو بابت قیمت کتاب جمع ہو گا ۔ ایک سو پچاس روپے نقد بخدمت بابو الہی بخش صاحب اکونٹنٹ لاہور پہنچا دیں۔ وہ سرمایہ رسالہ کے لئے جمع کر لیں گے ۔ پتہ یہ ہے ۔ بمقام لاہور ۔ انار کلی ۔ پبلک ورکس ۔ بابو الہی بخش صاحب اکونٹنٹ ۔ اور باقی روپیہ براہ مہربانی اس جگہ پہنچا دیں اور سب طرح سے خیریت ہے۔ بخدمت چوہدری محمد بخش صاحب سلام مسنون ۔ راقم خاکسار غلام احمد عفی عنہ نوٹ ۔ یہ خط غالباً ۲۵ رنومبر کے بعد کا ہے ۔ عرفانی ۔