مکتوبات احمد (جلد دوم) — Page 211
مکتوبات احمد ۲۱۱ جلد دوم مکتوب نمبر ۱۵ ملفوف بِسْمِ اللَّهِ الرَّحْمَنِ الرَّحِيمِ نَحْمَدُهُ وَ نُصَلِّي عَلَى رَسُولِهِ الْكَرِيمِ عزیزی محبی اخویم خان صاحب سلمۂ تعالیٰ ، السلام علیکم ورحمۃ اللہ و برکاتہ آپ کا محبت نامہ پہنچا۔ میں بوجہ علالت طبع کچھ لکھ نہیں سکا ۔ کیونکہ دورہ مرض کا ہو گیا تھا اور اب بھی طبیعت ضعیف ہے۔ خدا تعالیٰ آپ کو اپنی محبت میں ترقی بخشے اور اپنی اس جاودانی دولت کی طرف کھینچ لیوے جس پر کوئی زوال نہیں آسکتا ۔ کبھی کبھی اپنے حالات خیریت آیات سے ضرور اطلاع بخشا کریں کہ خط بھی کسی قدر حصہ ملاقات کا بخشا ہے ۔ مجھے آپ کی طرف دلی خیال ہے اور چاہتا ہوں کہ آپ کی روحانی ترقیات کشم خود دیکھوں ۔ مجھے جس وقت جسمانی قوت میں اعتدال پیدا ہوا تو آپ کے لئے سلسلہ توجہ کا شروع کروں گا ۔ اللہ تعالیٰ اپنا فضل اور توفیق شاملِ حال کرے ۔ آمین ۔ والسلام ۱۴ دسمبر ۱۸۹۵ ء روز پنجشنبه غلام احمد عفی عنہ ☆☆☆