مکتوبات احمد (جلد دوم) — Page 160
مکتوبات احمد ۱۶۰ اقرار تھا نہ انکار ۔ پھر جب میں معاصی سے بہت تنگ آیا اور ان پر غالب نہ ہو سکا تو میں نے سوچا کہ آپ نے بڑے بڑے دعوے کئے ہیں ۔ یہ سب جھوٹے نہیں ہو سکتے ۔ تب میں نے بطور آزمائش آپ کی طرف خط و کتابت شروع کی جس سے مجھ کو تسکین ہوتی رہی اور جب قریباً اگست میں آپ سے لودہا نہ ملنے گیا تو اس وقت میری تسکین خوب ہو گئی اور آپ کو با خدا بزرگ پایا اور بقیہ شکوک کو پھر بعد کی خط و کتابت میں میرے دل سے بھلی دھویا گیا اور جب مجھے یہ اطمینان دی گئی کہ ایک ایسا شیعہ جو خلفائے ثلاثہ کی کسر شان نہ کرے، سلسلہ بیعت میں داخل ہو سکتا ہے ۔ تب میں نے آپ سے بیعت کر لی ۔ اب میں اپنے آپ کو نسبتاً بہت اچھا پاتا ہوں اور آپ گواہ رہیں کہ میں نے تمام گناہوں سے آئندہ کے لئے تو بہ کی ہے۔ مجھ کو آپ کے اخلاق اور طرز معاشرت سے کافی اطمینان ہے کہ آپ سچے مجدد اور دنیا کے لئے رحمت ہیں۔ جیسا کہ پہلے خط سے ظاہر ہے حضرت اقدس اگست ۱۸۹۰ء میں لودھیا نہ ہی تھے ۔ اس لئے کہ وہ خط لو دھیانہ سے ہی حضرت نے لکھا ہے ۔ پس ۱۸۹۰ء کی آخری سہ ماہی میں غالباً نواب صاحب کے شکوک وغیرہ صاف ہو گئے اور آپ نے سلسلہ بیعت میں شمولیت اختیار کی ۔ اگر میں صحیح تاریخ بیعت بھی معلوم کر سکا تو وہ کسی دوسری جگہ درج کر دی جائے گی ۔ وباللہ التوفیق ۔ عرفانی ۔ جلد دوم