خطبات وقف جدید — Page 34
34 حضرت مصلح موعود باوجود یکہ لا بینی ایک جنگل سا ہے پھر بھی امریکن عیسائی وہاں آکر رہتے ہیں اور عیسائیت کی تبلیغ کر رہے ہیں اور وہ ایسے لوگوں میں رہتے ہیں کہ گو وہ ہمارے مزارع ہیں لیکن اگر وہ ہمیں بھی بلائیں تو ہم بھی ان کے گھروں میں نہ جائیں۔لیکن وہ رات دن وہیں رہتے ہیں اور تبلیغ کرتے ہیں۔یہی قربانی کی روح ہمیں بھی اپنے اندر پیدا کرنی چاہئے۔اگر اسی قسم کی قربانی کی روح ہم میں بھی پیدا ہو جائے تو 135 واقفین کیا ہماری جماعت میں سے ایک لاکھ 35 ہزار واقفین بھی آسانی سے نکل آئیں گے لیکن ضرورت یہ ہے کہ ہم امریکنوں اور انگریزوں جیسی قربانی کرنے لگ جائیں۔میں نے پہلے بھی کئی دفعہ سنایا ہے کہ ایک دفعہ ایک انگریز عورت چین میں پادری کے طور پر کام کر رہی تھی۔چینیوں میں پادریوں کے خلاف بڑا جوش پیدا ہوا۔اور وہ جوش اب تک بھی ہے۔ایک دن چینیوں نے اس عورت پر حملہ کیا اور اسے قتل کرنے اور ٹکڑے ٹکڑے کرنے کے بعد کھا گئے۔جب اس واقعہ کی اطلاع انگلستان میں پہنچی اور پادریوں کے اخبار نے یہ شائع کیا کہ ہماری ایک مبلغہ جو چین میں کام کر رہی تھی اسے چینیوں نے ٹکڑے ٹکڑے کر کے کھا لیا ہے۔ہمیں اس کے قائم مقام کی ضرورت ہے تو اسی دن شام تک دو ہزار عورتوں کی طرف سے تار آگئے کہ ہم اس مبلغہ کی جگہ جانے کے لئے تیار ہیں۔تو جب عیسائیت جو ایک باطل مذہب ہے اس کی تائید کے لئے لوگوں کے اندر اس قدر جوش پیدا ہوسکتا ہے تو اسلام جو ایک سچا مذہب ہے اس کی تائید کے لئے لوگوں کے اندر کیوں جوش پیدا نہیں ہوسکتا۔یہ محض ہماری غفلت اور کوتا ہی ہے کہ لوگوں کے اندر جوش پیدا نہیں کرتے ورنہ جب ان کے اندر جوش پیدا ہو گا تو وہ اس قدر پھیلے گا کہ زمین و آسمان ہل جائیں گے اور دنیا میں ہر جگہ اسلام ہی اسلام نظر آئے گا۔یہ ہماری اپنی کو تا ہی ہے کہ ہم لوگوں تک حقیقت حال پہنچا نہیں سکے۔جب ہم ان تک حقیقت حال پہنچا دیں گے تو انشاء اللہ بڑوں اور چھوٹوں سب کے اندر یہ احساس پیدا ہو جائے گا کہ وہ دین کی خدمت کے لئے آگے بڑھیں اور پھر جب سارے کے سارے دین کی خدمت کے لئے آگے بڑھیں گے تو لازمی بات ہے کہ اگر دس لاکھ کی جماعت آگے بڑھے گی اور ان میں سے ہر فرد دس دس افراد کو بھی صداقت پہنچا دے گا تو اگلے سال ایک کروڑ احمدی ہو گا۔اس سے اگلے سال دس کروڑ احمدی ہوگا اور اس سے اگلے سال ایک ارب احمدی ہو جائے گا۔یعنی دنیا کے قریباً سارے ممالک میں احمدیت پھیل جائے گی۔مگر یہ چیز جوش کا تقاضا کرتی ہے ورنہ ہماری موجودہ جماعت خدا تعالیٰ کے فضل سے اتنی تعداد میں ہے کہ اگر وہ ساری کی ساری اپنا فرض ادا کرے اور دوسروں کے اندر جوش پیدا کر دے تو تھوڑے عرصہ میں ہی دنیا میں صرف احمدی ہی احمدی ہوں جیسے حضرت مسیح موعود علیہ الصلوۃ والسلام فرماتے ہیں کہ