خطبات وقف جدید — Page 330
330 حضرت خلیفہ مسیح الرابع نیک نیت رکھنے کے باوجود اپنی کمزوریوں کی اصلاح نہیں کر سکتے ، اپنے حالات کو بہتر نہیں بنا سکتے ،انکا ہاتھ پکڑ کر آگے چلانا ان کو سمجھانا کہ آپ یوں کریں گے تو آپ کام بہتر کریں گے ان دو چیزوں میں فرق ہے۔اس لئے جو افسران اپنے ماتحتوں سے اس رنگ میں رحمت کی یا شفقت کی نظر رکھتے ہوں کہ جہاں وہ دیکھیں کہ وہ نصیحت کے مطابق عمل نہیں کر رہے ان کو سمجھائیں کہ اس طرح آپ کام کریں تو آپ کا کام بہتر ہو جائیگا۔ہر رنگ میں جہاں تک مدد ممکن ہے ان کی مدد کریں۔ان کے کام خدا تعالیٰ کے فضل سے عام انجمنوں کے کاموں کی نسبت یا عام افسروں کے کاموں کی نسبت بہت بہتر ہو جاتے ہیں۔میں امید رکھتا ہوں کہ جیسا کہ میں نے کہا ہے کہ مجالس بھی اس طرف توجہ کریں گی۔بالعموم جماعت جس رفتار سے آگے بڑھ سکتی ہے اس رفتار سے بڑھے۔جس رفتار سے بڑھ سکتی ہے اس میں اور جس رفتار سے بڑھ رہی ہے اس میں بہت بڑا فرق ہے بعض جماعتوں میں تو بہت ہی زیادہ فرق رہ گیا ہے ، بعض ضلعوں میں تو افسوسناک فرق پیدا ہوا ہے اس لئے میں ان کا نام لئے بغیر بار بار تا کید کر رہا ہوں۔اطفال الاحمدیہ کے چندہ میں بھی (جو اطفال کی طرف سے پیش کیا جاتا ہے اس میں ) عمومی طور پر کوئی فرق نہیں ہے لیکن معلوم ہوتا ہے کہ اطفال الاحمدیہ کا چندہ جس انجمن کے سپر د ہے انہوں نے ستی دکھائی ہے کیونکہ گزشتہ سال سے بعض جماعتوں میں اطفال کے چندوں میں نمایاں کمی ہے جبکہ بالغوں کے چندے میں نمایاں ترقی ہے اس کا مطلب ہے کہ جماعت کا کوئی قصور نہیں۔جن انجمنوں کے سپرد یہ ذمہ داری ہے کہ وہ فلاں چندے کو سنبھالیں، فلاں چندے میں جماعتوں کو آگے لیکر بڑھیں، ان انجمنوں کی غلطی ہے، ان مجالس کی غلطی ہے۔اس لئے جو ذیلی تنظیمیں ہیں انکو بھی جماعت کی انجمنوں کے ساتھ قدم ملا کر آگے چلنا چاہیے جب تک وہ قدم ملا کر آگے بڑھتی ہیں آگے بڑھیں اگر وہ پیچھے رہیں تو بیشک آگے نکل جائیں لیکن پیچھے رہنے کا بہر حال حق نہیں ہے۔اسلئے میں امید رکھتا ہوں کہ ذیلی انجمنیں جن کے سپر دالگ الگ خدمت کے کام کئے گئے ہیں ان کی طرف نظر رکھیں گی پہلے کی نسبت بہتر کام کریں گی۔اسی جائزے سے یہ بھی پتہ چلا کہ بعض جماعتیں جو بعض پہلوؤں سے کمزور ہیں بعض پہلوؤں سے نمایاں طور پر آگے ہیں اس سے بھی مجھے کچھ اندازہ ہو جاتا ہے کہ کوئی انجمن کس رنگ میں کام کر رہی ہے کیونکہ بعض اضلاع باقی باتوں میں مثلاً اصلاح وارشاد کے کام میں اگر سکتے نکل رہے ہوں اور انہیں علم ہو کہ وہ مسلسل پیچھے ہیں اگر وقف جدید کے کام میں نمایاں طور پر آگے ہوں تو صاف پتہ چل جاتا ہے کہ خدا کے فضل سے جماعت کے اندر قربانی کی استطاعت موجود ہے۔جماعت کے اندر طاقت بہر حال ہے جس انجمن نے فائدہ اٹھایا اس نے اٹھا لیا اور جس انجمن نے یا جس شعبہ نے اپنے کام کی طرف پوری توجہ نہیں کی اس لحاظ سے ان کے حصہ