خطبات وقف جدید — Page 267
267 حضرت خلیفہ مسیح الرابع إِلى وَطَنِ النَّبِيِّ حَبِيبِ رَبِّي وَسَيّدِرُسُلِ هِ خَيْرِ الانام (حمامۃ البشری ٹائٹل پہنچ روحانی خزائن جلد 7) ہماری حمامہ ( کبوتری) شوق کے پروں پر اڑتی ہے اور اس کی منقار میں سلام کے تحفے ہیں۔وہ اڑ رہی ہے میرے رب کے محبوب نبی ﷺ اور اسکے رسولوں کے سردار خیر الا نام کے وطن کی طرف۔پس یہ ہے وہ عرب قوم جو سب دنیا کی محسن ہے اور عربوں ہی کا احسان ہے کہ اسلام ہم تک پہنچا اور نبی امی حضرت محمد مصطفی صلی اللہ عرب تھے، اگر کوئی اور وجہ نہ ہوتی تو یہی ایک وجہ کافی تھی کہ ہم اس قوم سے محبت کریں اور اسکے لئے دعائیں کریں۔اور جس روح اور جذبہ کے ساتھ حضرت مسیح موعود علیہ السلام نے ان کو سلام بھیجے ہیں اور دعائیں دی ہیں اسی روح اور اسی جذبہ اور اسی تڑپ کے ساتھ ہم ان کو سلام بھیجیں۔جس طرح حضرت مسیح موعود علیہ السلام کی حمامہ بڑے شوق اور محبت سے سلام کے تحفے اپنی منقار میں لئے ہوئے اس طرف روانہ ہوئی تھی۔آج ہر احمدی دل سے دعائیں اٹھیں اور عرب کی سرزمین پر رحمتوں کی بارشیں بن کر برسنے لگیں۔اللہ تعالیٰ اس قوم کو ہرا ابتلاء سے محفوظ رکھے۔اسے نور ہدایت سے منور کرے ، ان کے دکھ دور فرمائے ، ان سے بخشش اور عفو کا سلوک فرمائے اور حضرت محمد مصطفی مے کے صدقے ان پر رحمتوں کی بارش برسائے۔خدا کرے کہ ایسا ہی ہو۔“ الفضل 26 فروری 1984 ء)۔۔۔۔۔