خطبات وقف جدید — Page 243
243 حضرت خلیفتہ امسح الثالث واقفین وقف جدید کے ذمے، جب میں نے کہا تربیت کا کام ہے تو وہ انتہائی تربیت نہیں تھی میری مرا تھی کہ چھوٹی چھوٹی باتوں میں جو تربیت ہونی چاہئے کم سے کم معیار ایک احمدی کا جو ہے اس تک تو پہنچنا چاہئے نا۔گالی نہیں دینی ، اوئے کر کے نہیں پکارنا تو نہیں کہنا ، اپنے چھوٹے کو بھی۔میں بڑوں کو بھی نصیحت کرتا ہوں، اپنے بچوں کو بھی آپ کہیں۔اگر آپ اپنے بچوں کو آپ نہیں کہیں گے تو وہ بڑوں کو بھی آپ نہیں کہے گا۔اگر آپ اپنے بچے کو آپ کہہ کر پکاریں گے تو اس کو عادت پڑ جائے گی ” آپ“ کہہ کے پکارنے کی وہ بڑوں اور چھوٹوں ہر دو کو آپ کہہ کے پکارے گا اور بڑا لطف اٹھائیں گے وہ لوگ جو آپ کے ماحول میں آکے آپ کے بچوں کو تو کی بجائے ہر ایک سے آپ کہہ کر باتیں کرتے سنیں گے۔کچھ حصے ہیں جن کا تعلق انجمن وقف جدید سے ہے جو میں نے اب بیان کئے اور کچھ حصے ایسے ہیں جن کا تعلق جماعت سے ہے۔ہر دو کو اپنی ذمہ داریاں پوری تندہی اور توجہ سے نباہنی چاہئیں۔اس کی مثال تو ایسی ہی ہے جیسے مکان تعمیر ہورہا ہو تو بنیاد میں کھود کر روڑی کوئی جاتی ہے اور اس پر اینٹوں سے دیوار میں اٹھائی جاتی ہیں۔واقفین وقف جدید کا کام روڑی کوٹنا ہے چھوٹے چھوٹے پتھروں کے ٹکڑوں کو یکجان کر دینا ہے اس قابل بنادینا کہ جب اعلیٰ درجے کی تعلیم اور تہذیب ان کو سکھائی جائے تو وہ اسے قبول کرنے کے لئے تیار ہوں اور بوجھ نہ سمجھیں۔اللہ تعالیٰ ہمیں اس کی توفیق عطا کرے آمین۔کھانسی مجھے بڑا تنگ کر رہی ہے لیکن اس اعلان کی وجہ سے میں نے جمعہ کا خطبہ چھوڑنا پسند نہیں کیا۔اللہ تعالیٰ آپ کو ہمیشہ صحت سے رکھے اور دعا کریں کہ مجھے بھی صحت دے اور صحت سے رکھے۔آمین۔( الفضل 6 جنوری 1982ء)