خطبات طاہر (جلد 8۔ 1989ء) — Page 679
خطبات طاہر جلد ۸ 679 خطبه جمعه ۱۳/اکتوبر ۱۹۸۹ء کریں کہ خدا اس شعور کی روشنی کو صبح صادق کی روشنی بنادے جس کے بعد دن چڑھ جایا کرتا ہے۔جس کے بعد اندھیرے اور روشنی میں پھر کوئی اشتباہ باقی نہیں رہا کرتا۔اس طرح اس قوم پر یہ بات روشن ہو جائے کہ خدا کی ناراضگی کے نتیجے میں خود یہ اپنے ہی قوم اور اپنے وجود کے دشمن بنے ہوئے ہیں اور اپنی ان کی بداعمالی ہی ہے جو دراصل خدا کے ناراض ہونے کی صورت میں ان پر نازل ہورہی ہے۔اللہ تعالیٰ ان کو تقویٰ کے ساتھ اپنے اعمال میں پاک تبدیلی پیدا کرنے کی توفیق عطا فرمائے اور اللہ تعالیٰ احمدیوں کو بھی اس وسیع مذہبی تاریخ کو پیش نظر رکھتے ہوئے اپنے کردار کو پہلے سے زیادہ بہتر کرنے کی توفیق عطا فرمائے۔جتنا یہ ظلم اور سفا کی میں آگے بڑھتے ہیں اتنا ہی زیادہ احمدیوں کو خدا کی ذات میں نہاں ہونے کی ضرورت ہے۔یہ ہی ایک علاج ہے اس کے سوا اور کوئی علاج نہیں۔صبر کا دامن ہاتھ سے نہ چھوڑیں اور جتنا یہ گندا اچھالتے ہیں اتنا ہی آپ خدا والے بنے کی کوشش کریں، خدا کی صفات اپنے اندر جاری کرنے کی کوشش کریں۔حضرت مسیح موعود علیہ الصلوۃ والسلام نے ہمیشہ کے لئے یہ گر سکھا دیا ہے کہ: عدو جب بڑھ گیا شور و فغاں میں نہاں ہم ہو گئے یار نہاں میں ( در شین: ۵۵) ہم اپنے یار نبہانی میں جو دل میں بسا کرتا تھا پہلے تو وہ ہمارے اندر چھپا ہوا تھا پھر ایک ایسا وقت آیا کہ جب دشمن نے شور شرابا کیا تو ہم اپنے یار میں چھپ گئے اور اس کے اندر غائب اور پنہاں ہو گئے۔پس دنیا کے شوروغوغا سے گھبرا کر اگر آپ نے دوڑنا ہے تو خدا کی طرف دوڑیں، اگر چھپنا ہے تو خدا کے وجود میں چھپ جائیں اور جو لوگ خدا کے وجود میں چھپ جایا کرتے ہیں ان کو دنیا کی کوئی طاقت مٹا نہیں سکتی وہ لازماً غالب آیا کرتے ہیں۔اللہ تعالیٰ سب احمدیوں کو تقویٰ اور نیکی اور طہارت اور نیک اعمال اور خدا کی محبت میں پہلے سے بہت زیادہ بڑھا دے۔آمین۔