خطبات طاہر (جلد 4۔ 1985ء) — Page 386
خطبات طاہر جلدم 386 خطبه جمعه ۲۶ اپریل ۱۹۸۵ء اب دیکھئے کہ روس کے لئے بھی جماعت احمد یہ ایک خطرہ ہے۔پھر آپ فرماتے ہیں کہ خدا تعالیٰ نے مجھے خبر دی ہے: دو دنیا میں ایک نذیر آیا پر دنیا نے اس کو قبول نہ کیا لیکن خدا اسے قبول کرے گا اور بڑے زور آور حملوں سے اس کی سچائی ظاہر کر دے گا۔“ (براہین احمدیہ حصہ چہار حصص روحانی خزائن جلد ا صفحه ۶۶۵ حاشیه در حاشیه نمبر۴) پھر فرمایا: میں تیری تبلیغ کو زمین کے کناروں تک پہنچاؤں گا۔“ ( تذکره صفحه : ۲۶۰) پس کو نسا ملک ہے جو اس سازش سے باہر رہ گیا ہے روس کو بھی جا کر انگیخت کرو کہ تمہارے خلاف بھی ایک خوفناک سازش تیار ہو رہی ہے اور امریکہ کو بھی انگیخت کرو کہ تمہارے خلاف بھی ایک خوفناک سازش تیار ہو رہی ہے اور جاپان کو بھی انگیخت کرو اور چین کو بھی انگیخت کرو۔جتنے تمہارے پیارے ہیں وہ ہم پر چڑھا لا ؤ، جتنے تمہارے سوار ہیں ہم پر چڑھا دو مگر خدا کی قسم تمہاری ساری طاقتیں نا کام جائیں گی کیونکہ یہ وہ منصوبہ ہے جو قرآن کریم نے پیش فرمایا ہے اور قرآنی منصوبہ کو دنیا کی کوئی طاقت نا کام نہیں بنا سکتی۔حضرت مسیح موعود علیہ الصلوۃ والسلام اس آخری فتح کے انجام کا ذکر کرتے ہوئے خود فرماتے ہیں کہ یہ دنیاوی فتح نہیں ہلکوں اور تاجوں اور تختوں کی فتح نہیں بلکہ یہ تو ایک روحانی فتح ہے۔فرماتے ہیں: مجھ کو کیا ملکوں سے میرا ملک ہے سب سے جدا مجھ کو کیا تاجوں سے میرا تاج ہے رضوان یار براہین احمدیہ حصہ پنجم ، روحانی خزائن جلد ۲ صفحه ۱۴۱) پس اس سازش میں ہم ضرور ملوث ہیں اور رضوان یار کی خاطر ہم تمام دنیا میں سر دھڑ کی بازی لگائے ہوئے ہیں اور اس راہ میں کسی قربانی کو پیش کرنے سے دریغ نہیں کریں گے۔حضرت مسیح موعود علیہ الصلوۃ والسلام فرماتے ہیں کہ: میں ہر دم اس فکر میں ہوں کہ ہمارا اور نصاریٰ کا کسی طرح فیصلہ ہو