خطبات مسرور (جلد 9۔ 2011ء) — Page iii
بسم اللہ الرحمن الرحیم پیش لفظ حضرت مصلح موعودؓ فرماتے ہیں: ” خدا تعالیٰ جس شخص کو خلافت پر کھڑا کرتا ہے وہ اس کو زمانہ کے مطابق علوم بھی عطا کرتا ہے۔اسے اپنی صفات بخشتا ہے۔“ (الفرقان مئی، جون 1967ء صفحہ 37) ہماری خوش نصیبی ہے کہ اللہ تعالیٰ نے ہمیں وقت کے امام کو پہچانے کی توفیق دی اور اس کا سراسر فضل واحسان ہے کہ اس نے ہمیں خلافت کے نظام میں شامل کیا۔ہمیں ایک خلیفہ عطا کیا جو ہمارے لئے درد رکھتا ہے، ہمارے لئے اپنے دل میں پیار رکھتا ہے۔اس خوش قسمتی پر جتنا بھی شکر کیا جائے کم ہے۔اس شکر کا ایک طریق یہ بھی ہے کہ ہم خلیفہ وقت کی آواز کو سنیں ، اس کی ہدایات کو سنیں اور اس پر عمل کریں کیونکہ اس کی آواز کوسننا باعث ثواب اور اس کی باتوں پر عمل کرنا دین و دنیا کی بھلائی کا موجب ہے۔اس کی آواز وقت کی آواز ہوتی ہے۔زمانے کی ضرورت کے مطابق یہ الہی بندے بولتے ہیں۔خدائی تقدیروں کے اشاروں کو دیکھتے ہوئے وہ راہنمائی کرتے ہیں۔الہی تائیدات و نصرت ان کے شامل حال ہوتی ہیں۔خدائی صفات ان کے اندر جلوہ گر ہوتی ہیں۔خطبات مسرور کی اس جلد میں ہمارے پیارے آقا اور امام حمام کی قیمتی اور زریں نصائح ہم ملاحظہ کر سکیں گے۔گھروں کے مسائل ہوں یا معاشرتی ، ان سب کی بابت ایسی نصائح ہیں کہ جن پر عمل پیرا ہو کر ہم اپنی زندگیوں کو سنوار سکتے ہیں۔اپنی زندگیوں میں نکھار پیدا کر سکتے ہیں اور معاشرے میں ایک حسین انقلاب پیدا کر سکتے ہیں۔دنیا بھر میں جو نفسانفسی کا عالم ہے جو انسانیت کو ایک تیسری عالمگیر جنگ کے دھانے پر لا کھڑا کئے ہوئے ہے، انسان اپنے رب ، اپنے خالق اور مالک سے منہ موڑے ہوئے اس کی ایسی ناراضگی کا مورد بنا ہوا ہے کہ آئے دن طرح طرح کی آفات و مصائب کے عذاب کا شکار ہورہا ہے۔ان سب سے بچنے کے لئے دل کی گہرائیوں سے نکلی ہوئی ہمدردی اور شفقت کے جذبات پر مشتمل نصائح کی جھلک بھی آپ ان خطبات میں پائیں گے۔مختلف ممالک خصوصاً افریقہ اور ایشیا کے ملکوں کی ترقی اور بہبود کے پیش نظر ان کے سر براہوں کے لئے بھی نصائح ہیں جو ان کے لئے مشعل راہ بن سکتی ہیں۔ان خطبات میں مغربی دنیا کی طرف سے اسلام مخالف مذموم مہم کے خلاف جماعت احمدیہ کی طرف سے کئے جانے والے جہاد کی تفصیل بھی ہے اور راہنمائی بھی۔ان صفحات میں آپ دیکھیں گے کہ کس حکمت و دانائی اور جرات و بے باکی سے دنیا کے سامنے اسلام اور بانی اسلام حضرت خاتم الانبیاءمحمد مصطفی ﷺ کی خوبصورت تعلیم ، مقدس و پاکیزہ سیرت و سوانح کو پیش کیا گیا ہے اور بتایا ہے کہ امن عالم اب اسلام کی تعلیمات کے ساتھ ہی وابستہ ہے اور سب سے اہم یہ کہ ایک احمدی کو اس کی