خطبات محمود (جلد 25) — Page 571
$1944 571 خطبات محج محمود سے خالی نہیں ہوتا) اسلام کی تعلیم کی برتری بتا سکیں گے۔مگر یہ اُسی وقت ہو سکتا ہے جب ہماری طاقت منظم ہو ، جب ہماری جماعت کے تمام افراد زیادہ سے زیادہ قربانیاں کرنے کے لیے تیار ہوں، جب کثرت سے مبلغین ہمارے پاس موجود ہوں اور جب ان مبلغین کے لیے ہر قسم کے سامان ہمیں میسر ہوں۔اسی طرح یہ کام اُسی وقت ہو سکتا ہے جب جماعت کے تمام نوجوان پورے طور پر منتظم ہوں اور کوئی ایک فرد بھی ایسا نہ ہو جو اس تنظیم میں شامل نہ ہو۔وہ سب کے سب اس ایک مقصد کے لیے کہ ہم نے دنیا میں اسلام اور احمدیت کو قائم کرنا ہے اس طرح رات اور دن مشغول رہیں جس طرح ایک پاگل اور مجنون شخص تمام جہات سے اپنی توجہ ہٹا کر صرف ایک کام کی طرف مشغول ہو جاتا ہے۔وہ بھول جاتا ہے اپنی بیوی کو ، وہ بھول جاتا ہے اپنے بچوں کو، وہ بھول جاتا ہے اپنے دوستوں اور رشتہ داروں کو اور صرف ایک مقصد اور ایک کام اپنے سامنے رکھتا ہے۔اگر ہم یہ جنون کی کیفیت اپنے اندر پیدا کر لیں اور اگر ہماری جماعت کا ہر فرد دن اور رات اس مقصد کو اپنے سامنے رکھے تو یقیناً خدا تعالیٰ ہماری جماعت کے کاموں میں برکت ڈالے گا اور اس کی کوششوں کے حیرت انگیز نتائج پیدا کرنا شروع کر دے گا۔اب بھی خدا تعالیٰ کے فضل سے ہماری جماعت کا دنیا پر غیر معمولی رُعب پایا جاتا ہے اور بہت سے شہر ایسے ہیں جہاں احمدیہ انجمنیں قائم ہو چکی ہیں۔بے شک ایسے بھی کئی شہر ہیں جہاں ابھی تک کوئی احمدی نہیں اور ایسے بھی شہر ہیں جن میں صرف ایک ایک احمدی ہے مگر باوجود اس کے ہندوستان میں ہماری جماعت کی دھاک بیٹھی ہوئی ہے اور لوگوں کے دل می محسوس کرتے ہیں کہ یہ ایک کام کرنے والی اور دنیا میں ترقی کرنے والی زندہ قوم ہے۔اسی طرح تم مصر چلے جاؤ، عرب چلے جاؤ، شام چلے جاؤ، ٹر کی چلے جاؤ سب جگہ لوگوں کو یہی کہتا سنو میں گے کہ جماعت احمد یہ بہت بڑا کام کر رہی ہے۔حالانکہ ساری دنیا میں ہمارے صرف آٹھ دس مبلغ ہیں اور تعداد کے لحاظ سے ہم دوسروں کے مقابلہ میں کوئی حقیقت ہی نہیں رکھتے۔مگر بوجہ اس کے کہ ہماری جماعت کے افراد دوسروں سے بہت زیادہ قربانی اور ایثار کا مادہ اپنے اندر رکھتے ہیں اور اسلام کی اشاعت کے لیے وہ جس قدر کوشش کرتے ہیں اُس کا عشر عشیر بھی ہے دوسرے مسلمانوں میں نظر نہیں آتا۔جہاں چلے جاؤ احمدیت کی تعریف میں لوگ یہ