خطبات محمود (جلد 19) — Page 632
خطبات محمود ۶۳۲ سال ۱۹۳۸ء جو بڑا بزرگ کہلاتا تھا کسی بادشاہ کا وزیر اتفاقاً اس کا معتقد ہو گیا اور اس نے ہر جگہ اس کی کی بزرگی اور ولایت کا پروپیگینڈا شروع کر دیا۔اور کہنا شروع کر دیا۔کہ وہ بڑے بزرگ اور کی خدارسیدہ انسان ہیں۔یہاں تک کہ اس نے بادشاہ کو بھی تحریک کی اور کہا کہ آپ ان کی ضرورت زیارت کریں چنانچہ بادشاہ نے کہا اچھا میں فلاں دن اس کے پاس چلوں گا۔وزیر نے یہ بات فوراً اس بزرگ کے پاس پہنچا دی اور کہا کہ بادشاہ فلاں دن آپ کے پاس آئے گا آپ اس کی سے اس طرح باتیں کریں تا کہ اس پر اثر ہو جائے۔اور وہ بھی آپ کا معتقد ہو جائے۔معلوم نہیں وہ بزرگ تھا یا نہیں مگر بے وقوف ضرور تھا۔جب اسے اطلاع پہنچی کہ بادشاہ آنے والا ہے اور اس سے مجھے ایسی باتیں کرنی چاہئیں جن کا اس کی طبیعت پر اچھا اثر ہو تو اس نے اپنے ذہن میں کچھ باتیں سوچ لیں۔اور جب بادشاہ اس سے ملنے کے لئے آیا تو وہ کہنے لگا۔با دشاہ سلامت آپ کو انصاف کرنا چاہیے دیکھئے مسلمانوں میں سے جو سکندر نامی بادشاہ گزرا ہے وہ کیسا عادل اور منصف تھا اور اس کا آج تک کتنا شہرہ ہے۔حالانکہ سکندر رسول کریم صلی اللہ علیہ وسلم کے زمانہ سے سینکڑوں سال پہلے بلکہ حضرت عیسی علیہ السلام سے بھی پہلے ہو چکا تھا مگر اس نے سکندر کو رسول کریم صلی اللہ علیہ وسلم کے بعد کا بادشاہ قرار دے کر اسے مسلمان بادشاہ قرار دے دیا۔جس کے معنے یہ ہیں کہ وہ رسول کریم صلی اللہ علیہ وسلم کے بھی سینکڑوں سال بعد ہو ا تھا۔کیونکہ سکندر خلافت اربعہ کے زمانہ میں تو ہو نہیں سکتا تھا۔کیونکہ اس وقت خلفاء کی حکومت تھی۔حضرت معاویہ کے زمانہ میں بھی نہیں ہو سکتا۔کیونکہ اس وقت حضرت معاویہ تمام دنیا کے بادشاہ تھے۔بنو عباس کے ابتدائی ایام خلافت میں بھی نہیں ہوسکتا تھا کیونکہ اس وقت وہی روئے زمین کے حکمران تھے پس اگر سکندر مسلمان تھا تو وہ چوتھی پانچویں صدی ہجری کا بادشاہ ہو سکتا ہے حالانکہ وہ رسول کریم صلی اللہ علیہ وسلم سے سینکڑوں سال پہلے گزرا ہے۔تو وہ جو سینکڑوں سال پہلے کا بادشاہ تھا اسے اس شخص نے رسول کریم صلی اللہ علیہ وسلم اور اسلام کی امت میں سے قرار دے دیا۔نتیجہ یہ ہوا کہ بادشاہ اس سے سخت بدظن ہو کر فوراً اُٹھ کر چلا گیا۔تاریخ دانی بزرگی کے لئے شرط نہیں مگر یہ مصیبت تو اس نے آپ سہیڑی۔اسے کس نے کہا تھا تی