خطبات محمود (جلد 17) — Page 569
خطبات محمود ۵۶۹ سال ۱۹۳۶ پس اپنی جگہ پر فَاسْتَبِقُوا الْخَيْراتِ بہت عمدہ ماٹو ہے اور اسی طرح ” میں دین کو دنیا پر مقدم رکھوں گا بھی بہت اچھا ماٹو ہے لیکن کامل موحد بننے کیلئے ضروری ہے کہ انسان کی نظر سے ہر ایک چیز غائب ہو جائے اور ماسوی اللہ اس کیلئے کالعدم ہو جا ئیں حتی کہ انسان خود بھی غائب ہو جائے اور اُس کو اگر نظر آئے تو صرف خدا تعالیٰ کی ذات نظر آئے پس اپنی اپنی جگہ پر تمام چیزیں اچھی ہیں۔اگر کوئی جماعت کہے کہ ہمارا سمح نظر یہی ہے کہ ہم لوگوں کو نیکی کی تحریک کیا کریں گے تو یہ اچھی بات ہے اگر کوئی جماعت کہے کہ ہمارا نصب العین فَاسْتَبِقُوا الْخَيْرَاتِ ہے تو یہ بھی اچھی بات ہے اور اگر کوئی کسی اور اچھی بات کو اپنا مائو قرار دے لے تو اُس کو بھی یہ حق حاصل ہے لیکن نبوت کے حقیقی متبع کا ماٹو اس زمانہ میں صرف لا اِلهَ إِلَّا اللهُ مُحَمَّدٌ رَّسُولُ اللهِ ہوسکتا۔کیونکہ اس سے ہر کمال کا مطالبہ کیا جاتا ہے اور سب کمال اسی کلمہ میں آتے ہیں۔مثلاً فَاسْتَبِقُوا الْخَيْرَاتِ کو لے لو۔اس استباق اور خیرات کے معنی ہم کہاں سے معلوم کریں۔دین کو دنیا پر مقدم کروں گا، فقرہ میں دین اور دنیا اور مقدم کرنا تینوں مضمون بھی تشریح کے محتاج ہیں۔کئی لوگ دین کو دنیا اور کئی دنیا کو دین قرار دیتے ہیں۔کئی مقدم کی تشریح میں اختلاف رکھتے ہیں لیکن لَا إِلهَ إِلَّا اللهُ مُحَمَّدٌ رَّسُولُ اللهِ ہمیں صرف کمال کا نقطہ ہی نہیں بتا تا بلکہ تشریح اور توضیح کے حصول کا ذریعہ یہی بتاتا ہے۔وہ ایک سو نیکیوں کی جامع لیکن تو حید کی طرف ہمیں بلاتا ہے دوسری طرف تو حید کے سمجھنے میں جو دقتیں پیش آسکتی ہیں ان کے حل کرنے کا طریق ہمیں بتا دیتا ہے۔غرض جس نے مُحَمَّدٌ رَّسُولُ اللهِ کو سمجھ لیا اُس نے خدا تعالیٰ کو سمجھ لیا اور جس نے خدا تعالیٰ کو سمجھ لیا اُس نے سب ہی کچھ سمجھ لیا کیونکہ شرک ہی تمام بدیوں ، غفلتوں اور گناہوں کی جڑ ہے اور توحید پر قائم ہونے کے بعد انسان میں اخلاق، علم ، عرفان ، تمدن، سیاست ، حدت نظر و حذق یعنی فنون میں کمال سب ہی کچھ آجاتا ہے کیونکہ اللہ تعالیٰ کا نور ایک تریاق ہے جو تمام امراض کا واحد علاج ہے۔جس طرح تریاق کے میسر آنے پر مرض کا فور ہو جاتی ہے اسی طرح خدا تعالیٰ کا نور جب انسان میں آجاتا ہے تو اس کے پاس سے تمام امراض روحانی بھاگ جاتے ہیں۔پس ہما را مائو جو خود بخود خدا تعالیٰ نے مقرر فرما دیا ہے وہ لَا اِلهَ إِلَّا اللہ ہی ہے باقی تفصیلات ہیں اور وعظ کے طور پر کام آ سکتی ہیں اور وہ سب ANAL NAWALANGANA اللہ میں شامل ہیں۔گوہر