خطبات محمود (جلد 17) — Page 727
خطبات محمود جلد نمبر ۱۷ ۷۱۸ ۴۲ سال ۱۹۳۶ء لیلۃ القدر کیا ہے اور اس کے حصول کیلئے کیا کرنا چاہئے (فرموده ۱۴ دسمبر ۱۹۳۶ء) تشہد ، تعوذ اور سورۃ فاتحہ کی تلاوت کے بعد فرمایا :- میں نے سب سے پہلے سال تحریک جدید کا اعلان کرتے ہوئے دوستوں کو اس امر کی طرف توجہ دلائی تھی کہ ایک تو وہ آپس میں صلح کریں ، لڑائی جھگڑوں کو چھوڑ دیں اور ایک دوسرے کے ایسے قصور جو ذاتی ہوں اور ایسے جھگڑے جو دینی نہ ہوں اُن کو بھلا دیں اور دوسرے اپنے بقائے ادا کرنے کی طرف توجہ کریں کیونکہ جو پچھلا بقایا ادا نہیں کرتا وہ آئندہ کیلئے کس طرح وعدہ توجہ کر سکتا ہے۔ میری اس ہدایت کی سند رسول کریم ﷺ کے ایک بیان سے بھی ہوتی ہے جو کہ رمضان کی بعض ساعات کے متعلق ہے چونکہ اللہ تعالیٰ کی مشیت اور قدرت کے ماتحت اس تحریک کے پہلے حصہ کا تیسرے سال کیلئے اعلان کرتے وقت وہی مہینہ آگیا ہے جس میں اس راز کا انکشاف کیا گیا ہے اس لئے میں مناسب سمجھتا ہوں کہ دوستوں کو پھر اس کی طرف توجہ دلا دوں ۔ حدیث سے معلوم ہوتا ہے کہ رسول کریم ﷺ کو اللہ تعالی نے اس گھڑی کی خبر دی جس میں دعا ئیں صلى الله علوس صلى الله بالعموم سنی جاتی ہیں اور ایسی ساعات کا علم ہونا کوئی معمولی بات نہیں اس لئے رسول کریم ﷺ اس خوشی میں گھر سے باہر آئے تا باقی احباب کو بھی اُس وقت کی اطلاع دیں اور وہ بھی اس سے فائدہ اُٹھا سکیں مگر آپ جب مسجد میں تشریف لائے تو دو مسلمان آپس میں لڑ رہے تھے آپ اُن کی اِس لڑائی اور اختلاف کے دور کرنے میں مصروف ہو گئے اور ادھر سے آپ کو اپنی توجہ ہٹانی پڑی اس