دوسری آئینی ترمیم 1974ء ۔ خصوصی کمیٹی میں کیا گزری — Page 593
593 دوسری آئینی ترمیم 1974ء۔خصوصی کمیٹی میں کیا گزری تو بسا اوقات پوری قوم کو اس کی غلطی کا خمیازہ بھگتنا پڑتا ہے۔مسلمان سیاستدانوں کو چاہئے کہ تاریخی حقائق سے سبق حاصل کریں اور ان غلطیوں کو نہ دہرائیں جن کو کر کے بھٹو صاحب اور دولتانہ صاحب جیسے سیاستدانوں نے اپنی سیاسی زندگی یا خود اپنی زندگی کا خاتمہ کر لیا۔جو سیاستدان ہیں وہ صرف سیاست کریں، مذہب کے ٹھیکیدار بننے کی کوشش نہ کریں۔پاکستان پر اس قرار داد کا کیا اثر پڑا جب ہم نے ڈاکٹر مبشر حسن صاحب سے سوال کیا کہ آپ کے نزدیک اس قرارداد اور آئینی ترمیم کا ملک اور قوم پر کیا اثر پڑا ؟ تو ان کا جواب تھا ”بہت بُرا اثر پڑا۔نہایت بُرا اور دور رس۔“ جب اس سوال کو دوسرے الفاظ میں دہرایا گیا تو ان کا جواب تھا:۔آپ دیکھ تو رہے ہیں گورنمنٹ کا کیا حشر ہوا۔ان کی پارٹی کا کیا حشر ہوا۔اس سے بُرا ہو سکتا تھا؟" جب ہم نے صاحبزادہ فاروق علی خان صاحب سے سوال کیا کہ اس قرارداد کا ملک پر کیا اثر پڑا تو ان کا یہ کہنا تھا کہ کوئی اثر نہیں پڑا نہ اچھا نہ برا نہ ملک پر کوئی اثر پڑا اور نہ احمدیوں پر کوئی اثر پڑا۔عبد الحفیظ پیزادہ صاحب نے اس سوال کے جواب فرمایا کہ اس قسم کے فیصلوں کا کبھی ملک پر اچھا اثر نہیں پڑتا۔جب یہ سوال پروفیسر غفور صاحب سے کیا گیا تو انہوں نے فرمایا کہ میرے نزدیک تو یہ فیصلہ نہایت مناسب ہوا اور قادیانیوں کی پوزیشن بھی ایک مرتبہ آئین میں متعین ہو گئی۔(1) اور لائن کٹ گئی ، مصنفہ کوثر نیازی، جنگ پبلیکیشنز، فروری 1987ء ص 15 تا 18۔Zulfikar Ali Bhutto and Pakistan1967-1977,by Rafi Raza,published by OXFORD (2) University Press 1997p317۔Zulfikar Ali Bhutto and Pakistan 1967-1977,by Rafi Raza,published by OXFORD (3)۔University Press 1997p318 (4) اور لائن کٹ گئی ، مصنفہ کوثر نیازی، جنگ پبلیکیشنز فروری 1987ء ص40۔