دوسری آئینی ترمیم 1974ء ۔ خصوصی کمیٹی میں کیا گزری — Page 592
592 دوسری آئینی ترمیم 1974ء۔خصوصی کمیٹی میں کیا گزری کی موت کو قریباً تیس سال گزر چکے ہیں ان کے نام پر ووٹ دیئے جاتے ہیں۔لیکن یہ بھی حقیقت ہے کہ بھٹو صاحب نے سیاسی فوائد حاصل کرنے کے لئے 1974ء میں جماعت احمدیہ کو غیر مسلم قرار دینے کے لئے آئین میں ترمیم کی اور جماعت احمدیہ کے بنیادی حقوق کی بھی پروا نہیں کی گئی، انہیں بُری طرح پامال کیا گیا۔اس کا نکلا کیا ملا خوش ہو گیا۔کچھ ہی سالوں میں ان کے خلاف اس طبقہ نے ایک ایسی مہم چلائی کہ کوئی گالی ہو گی جو کہ انہیں اور ان کے اہل خانہ کو نہ دی گئی۔بالآ خر ان کو اقتدار سے محروم کر دیا گیا۔اور قتل کے الزام میں جیل میں ڈال دیا گیا۔بھٹو صاحب نے جیل میں اپنی کتاب میں لکھا کہ جماعت اسلامی اور دوسری مذہبی جماعتیں بیرونِ پاکستان ہاتھوں سے مدد لے کر ان کے خلاف سازشیں کر رہے ہیں۔پھر انہیں پھانسی چڑھا دیا گیا۔پھر نامعلوم حالات میں ان کے دونوں بیٹے قتل کر دیئے گئے اور پھر ان کی بیٹی اور سیاسی وارث ملک کی سابق وزیر اعظم بے نظیر بھٹو کو انہیں مذہبی انتہا پسندوں نے قتل کر دیا۔آخر اس فیصلہ سے بھٹو صاحب کو کیا ملا؟ یہ ایک تاریخی سبق ہے کہ ملا کبھی کسی کا نہیں ہوتا اور نہ مذہبی مسائل کو سیاسی مقاصد کے لئے استعمال کرنے سے کوئی فوائد حاصل کئے جا سکتے ہیں۔سیاستدانوں کو چاہئے کہ وہ ان تاریخی حقائق کا بار بار مطالعہ کریں۔خود ان کا جائزہ لیں۔1974ء کے حالات قلمبند کرتے ہوئے ہم نے اس وقت کے سیاسی قائدین کے انٹرویو بھی لئے تھے۔ان میں سے ایک انٹرویو معراج محمد خان صاحب کا بھی تھا۔یہ صاحب ایک وقت میں بھٹو صاحب کے قریبی سیاسی رفیق تھے۔بھٹو صاحب نے ایک مرتبہ ان کو اپنا سیاسی جانشین بھی قرار دیا تھا۔وہ بھٹو صاحب کی کابینہ میں وزیر بھی رہے۔لیکن پھر بھٹو صاحب کے ان سے اختلافات ہو گئے اور بھٹو صاحب نے ان کو انتقاما جیل میں ڈال دیا۔جب یہ انٹرویو ختم ہوا تو انہوں نے آخری بات یہ کہی اور یہ بات انہوں نے اس انٹرویو میں بہت مرتبہ کہی تھی کہ آپ جہاں دوسری باتیں لکھیں یہ ضرور لکھیں کہ وہ بہت ذہین آدمی تھے ، بہت جفاکش وہ یہ تھے ، وہ بہت بڑے آدمی تھے۔لیکن ایک اور بات جو انہوں نے اس انٹرویو میں ایک سے زائد مرتبہ کہی ود تھی کہ جب کوئی بڑا آدمی غلطی کرتا ہے تو وہ بھی بہت بڑی ہوتی ہے۔ہم نے ان کی خواہش کے مطابق معراج صاحب کی یہ بات درج کر دی ہے لیکن ایک اور بات کا اضافہ کر دیں کہ جب کوئی بڑا آدمی ایسی غلطی کرتا ہے