خطابات مریم (جلد اوّل) — Page 67
قرآن مجید سے عشق:۔اسی طرح قرآن مجید سے آپ کو جو عشق تھا اور جس طرح آپ نے اس کی تفسیریں لکھ کر اس کی اشاعت کی وہ تاریخ احمدیت کا ایک روشن باب ہے۔خدا تعالیٰ کی آپ کے متعلق پیشگوئی کہ کلام اللہ کا مرتبہ لوگوں پر ظاہر ہو اپنی پوری شان کے ساتھ پوری ہوئی جن دنوں میں تفسیر کبیر لکھی نہ آرام کا خیال رہتا تھا نہ سونے کا نہ کھانے کا بس ایک دھن تھی کہ کام ختم ہو جائے۔رات کو عشاء کی نماز کے بعد لکھنے بیٹھے ہیں تو کئی دفعہ ایسا ہوا کہ صبح کی اذان ہوگئی اور لکھتے چلے گئے۔تفسیر صغیر تو لکھی ہی آپ نے بیماری کے پہلے حملہ کے بعد یعنی 1956ء میں طبیعت کافی کمزور ہو چکی تھی۔گو یورپ سے واپسی کے بعد صحت ایک حد تک بحال ہو چکی تھی مگر پھر بھی کمزوری باقی تھی ڈاکٹر کہتے تھے آرام کریں فکر نہ کر یں زیادہ محنت نہ کریں۔لیکن آپ کو ایک دھن تھی کہ قرآن کے ترجمہ کا کام ختم ہو جائے۔بعض دن صبح سے شام ہو جاتی اور لکھواتے رہتے۔کبھی مجھ سے املا کرواتے۔مجھے گھر کا کام ہوتا تو مولوی یعقوب صاحب مرحوم کو تر جمہ لکھواتے رہے۔آخری سورتیں لکھوا ر ہے تھے غالبا انیسواں سیپارہ تھا یا آخری شروع ہو چکا تھا ( ہم لوگ مخلہ میں تھے وہیں تفسیر صغیر مکمل ہوئی تھی) کہ مجھے بہت تیز بخار ہو گیا میرا دل چاہتا تھا کہ متواتر کئی دن سے مجھے ہی ترجمہ لکھوا رہے ہیں میرے ہاتھوں ہی یہ مقدس کام ختم ہو۔میں بخار سے مجبور تھی ان سے کہا کہ میں نے دوائی کھالی ہے آج یا کل بخار اتر جائے گا۔دو دن آپ بھی آرام کرلیں آخری حصہ مجھ سے ہی لکھوائیں تا میں ثواب حاصل کرسکوں نہیں مانے کہ میری زندگی کا کیا اعتبار۔تمہارے بخار اترنے کے انتظار میں اگر مجھے موت آجائے تو ؟ سارا دن ترجمہ اور نوٹس لکھواتے رہے اور شام کے قریب تغییر صغیر کا کام ختم ہو گیا۔بے شک تفسیر کبیر مکمل قرآن مجید کی نہیں لکھی گئی۔مگر جو علوم کا خزانہ ان جلدوں میں آپ چھوڑ گئے ہیں وہ اتنا زیادہ ہے کہ ہماری جماعت کے احباب ان کو پڑھیں ان سے فائدہ اُٹھا ئیں تو بڑے سے بڑا عالم ان کے مقابلہ میں نہ ٹھہر سکے۔للہ تعال سے دعاہے کہ للہ تعالی ضرت خلیفہ اس حالا شاید اللہ تعالی کو یہ پاروں کی غیر مل کرنے کی توفیق عطا فرمائے۔الھم امین۔قرآن مجید کی تلاوت کا کوئی وقت مقرر نہ تھا جب بھی وقت ملا تلاوت کر لی یہ نہیں کہ دن میں صرف ایک بار یا دوبارہ عموماً یہ ہوتا تھا کہ صبح اٹھ کر ناشتہ سے فارغ ہو کر ملاقاتوں کی اطلاع ہوئی آپ انتظار میں