اسلام میں توہین رسالت ؐ کرنے والے کی سزا — Page 38
38 ہوگا کہ کسی اعتراض کے وقت اس طریق سے باہر نہ جائے۔دوم دوسری کتا بیں جو ہماری مسلم کتا ہیں ہیں ان میں سے اول درجہ پر صبیح بخاری ہے اور اسکی وہ تمام احادیث ہمارے نزدیک حجت ہیں جو قرآن شریف سے مخالف نہیں۔اور ان میں سے دوسری کتاب صحیح مسلم ہے اور اس کو ہم اس شرط سے مانتے ہیں کہ قرآن اور صحیح بخاری سے مخالف نہ ہو۔اور تیسرے درجہ پر صحیح ترمذی، ابن ماجہ موطا نسائی ابن داؤد دار قطنی کتب احادیث ہیں۔جن کی حدیثوں کو ہم اس شرط سے مانتے ہیں کہ قرآن اور صحیحین سے مخالف نہ ہوں۔یہ کتابیں ہمارے دین کی کتابیں ہیں اور یہ شرائط ہیں جن کی رو سے ہمارا عمل ہے۔اب ہم قانونی طور پر آپ لوگوں کو ایسے اعتراضوں سے روکتے ہیں جو خود آپ کی کتابوں اور آپ کے مذہب پر وارد ہوتے ہیں، کیونکہ انصاف جن پر قوانین مبنی ہیں ایسی کاروائی کو صحت نیت میں داخل نہیں کرتا۔اور ہم ایسے اعتراضوں سے بھی لوگوں کو منع کرتے ہیں جوان کتابوں اور ان شرائط پر مبنی نہیں جن کا ہم اشتہار میں ذکر کرتے ہیں۔کیونکہ ایسی کاروائی بھی تحقیق حق کے برخلاف ہے۔پس ہر یک معترض پر واجب ہوگا کہ کسی اعتراض کے وقت ان کتابوں اور ان شرائط سے باہر نہ جائے۔اور ضروری ہوگا کہ آئیند ہ آپ صاحبوں میں سے کوئی صاحب ہماری کسی تالیف کا رد لکھے یا رد کے طور پر کوئی اشتہار شائع کریں یا کسی مجلس میں تقریری مباحثہ کرنا چاہیں تو اس شرط مذکورہ بالا کی پابندی سے باہر قدم نہ رکھیں۔یعنی ایسی باتوں کو بطور اعتراض پیش نہ کریں جو آپ لوگوں کی الہامی کتابوں میں بھی موجود ہوں۔اور ایسے اعتراض بھی نہ کریں جو ان کتابوں کی پابندی اور اس طریق کی پابندی سے نہیں ہیں جو ہم اشتہار میں شائع کر چکے ہیں۔غرض اس طریق مذکورہ بالا سے تجاوز کر کے ایسی بیہودہ روایتوں اور بے سر و پا قصوں کو