مجموعہ اشتہارات (جلد 3) — Page 381
بِسْمِ اﷲِ الرَّحْمٰنِ الرَّحِیْمِِ نَحْمَدُہٗ وَنُصَلِّیْ عَلٰی رَسُوْلِہِ الْکَرِیْمِ اشتہارواجب الاظہار از طرف ایں خاکسار دربارہ پیشگوئی زلزلہ دوستو!! جاگو کہ اب پھر زلزلہ آنے کو ہے پھر خدا قدرت کو اپنی جلد دکھلانے کو ہے وہ جو ماہِ فروری میں تم نے دیکھا زلزلہ تم یقیں سمجھو کہ وہ اِک زجر سمجھانے کو ہے آنکھ کے پانی سے یارو کچھ کرو اس کا علاج آسماں اے غافلو! اب آگ برسانے کو ہے کیوں نہ آویں زلزلے تقویٰ کی رہ گُم ہو گئی اک مسلماں بھی مسلماں صرف کہلانے کو ہے کس نے مانا مجھ کو ڈر کر کس نے چھوڑا بغض و کیں زندگی اپنی تو اُن سے گالیاں کھانے کو ہے کافر و دجّال اور فاسق ہمیں سب کہتے ہیں کون ایماں صدق اور اخلاص سے لانے کو ہے جس کو دیکھو بدگمانی میں ہے حد سے بڑھ گیا گر کوئی پوچھے تو سَو سَو عیب بتلانے کو ہے چھوڑتے ہیں دیں کو اور دُنیا سے کرتے ہیں پیار سَو کریں وعظ و نصیحت کون پچھتانے کو ہے ہاتھ سے جاتا ہے دل دیں کی مصیبت دیکھ کر پر خدا کا ہاتھ اب اس دل کے ٹھہرانے کو ہے اس لئے اب غیرت اس کی کچھ تمہیں دکھلائے گی ہر طرف یہ آفتِ جاں ہاتھ پھیلانے کو ہے موت کی رہ سے ملے گی اب تو دیں کو کچھ مدد ورنہ دیں اے دوستو! اک روز مر جانے کو ہے یا تو اک عالم تھا قربان اُس پہ یا آئے یہ دن اک عبدالعبد بھی اس دیں کو جھٹلانے کو ہے المشتہر میرزا غلام احمد قادیانی مسیح موعود ۹؍ ماچ ۱۹۰۶ء (یہ اشتہار رسالہ ’’چشمہ مسیحی‘‘ کے ٹائیٹل پیج نمبر ۲ پر درج ہے۔روحانی خزائن جلد۲۰ صفحہ ۳۳۴)