حیات طیبہ — Page 107
107 ایک روز اتفاق سے اسی محلہ میں کہ جس محلہ میں حضرت تشریف فرما تھے مولوی ( غلام نبی صاحب خوشابی ) صاحب کا وعظ تھا۔ہزاروں آدمی جمع تھے اور اس وعظ میں انہیں جتنا علم تھاوہ سب ختم کر دیا اور لوگوں کے تحسین و آفرین کے نعرے لگنے لگے اور مرحبا صن علی کا چاروں طرف سے شور اُٹھا۔اس وعظ میں لدھیانہ کے تمام مولوی موجود تھے اور ان کے حسن بیان اور علم کی بار بار داد دیتے تھے اور مولوی محمد حسن اور مولوی شاہدین اور مولوی عبدالعزیز اور مولوی محمد اور مولوی عبد اللہ اور دو چار اور مولوی جو بیرون جات سے مولوی غلام نبی صاحب کے علم کی شہرت اور علمی لیاقت اور خدا داد قابلیت کو دیکھنے کے شوق میں آئے ہوئے تھے، حاضر تھے۔کیونکہ یہ خاص وعظ تھا۔یہ سب نعرے اور شور ہمارے کانوں تک پہنچ رہا تھا اور ہم پانچ چار آدمی چپکے چپکے بیٹھے تھے اور دل اندر سے کڑھتا تھا اور کچھ ہمارا بس نہ چلتا تھا۔حضرت اقدس علیہ السلام زنانہ میں تھے اور کتاب ازالہ اوہام کا مسودہ تیار کرتے رہے تھے۔مولوی صاحب وعظ کہہ کر اور پوری مخالفت کا زور لگا کر چلے اور ساتھ ساتھ ایک جم غفیر اور مولوی صاحبان تھے۔اور ادھر سے حضرت اقدس علیہ السلام زنانہ مکان سے باہر مردانہ مکان میں جانے کے لئے نکلے تو مولوی صاحب سے مڈ بھیڑ ہو گئی اور خود حضرت اقدس علیہ الصلوۃ والسلام نے السلام علیکم کہہ کر مصافحہ کے لئے ہاتھ بڑھایا اور مولوی صاحب نے وعلیکم السلام جواب میں کہہ کر مصافحہ کیا۔خدا جانے۔اس مصافحہ میں کیا برقی قوت تھی اور کیسی مقناطیسی طاقت، کیا روحانی کشش تھی کہ یہ اللہ سے ہاتھ ملاتے ہی مولوی صاحب ایسے از خود رفتہ ہوئے کہ کچھ چون و چرا نہ کر سکے اور سیدھے ہاتھ میں ہاتھ دیئے حضرت اقدس علیہ الصلوۃ والسلام کے ساتھ مردانہ مکان میں چلے آئے اور حضرت اقدس علیہ السلام کے سامنے دو زانو بیٹھ گئے اور باہر مولوی اور تمام سامعین وعظ حیرت میں کھڑے ہو گئے اور آپس میں یہ گفتگو ہوئی۔ایک۔ارے میاں یہ کیا ہوا۔اور مولوی صاحب نے یہ کیا حماقت کی کہ مرزا صاحب کے ساتھ ساتھ چلے گئے؟ دوسرا۔مرزا جادوگر ہے۔خبر نہیں کیا جادو کر د یا ہو گا۔ساتھ جانا مناسب نہیں تھا۔تیسرا۔مولوی صاحب دب گئے۔مرزا کا رُعب بڑا ہے۔رعب میں آ گیا۔چو تھا۔اجی۔مرزا صاحب نے جو اتنا بڑا دعویٰ کیا ہے۔مرزا خالی نہیں ہے۔کیا یہ دعوی ایسے ویسے کا ہے۔پانچواں۔بات تو یہ ہے معلوم ہوتی ہے کہ مرزا رو پیر والا ہے اور مولوی لالچی طامع ہوتے ہیں۔مرزا نے کچھ لالچ دے دیا ہو گا۔بعض۔مولوی صاحب عالم فاضل ہیں۔مرزا کو سمجھانے اور نصیحت کرنے گئے ہیں۔مرزا کو سمجھا کے اور تو بہ کرا کے آویں گے اور دوسرے۔یہ بات ٹھیک