حیاتِ احمد (حیاتِ احمد۔ جلد پنجم حصہ دوم) — Page 124
حیات احمد ۱۲۴ جلد پنجم حصہ دوم پیر مہر علی شاہ صاحب سے لِلہ ایک شہادت کا مطالبہ پیر مہر علی شاہ صاحب کے مریدوں نے شور مچا رکھا ہے کہ ۲۵ /اگست کو پیر صاحب نے حضرت اقدس جناب مخدومنا میرزا غلام احمد صاحب قادیانی کی خدمت میں تاریں دی تھیں کہ اب صرف تفسیر قرآن کا اسی طرز سے آپ کے ساتھ مباحثہ کرنا منظور کرتا ہوں جو آپ کے ۲۰ جولائی ۱۹۰۰ء کے اشتہار میں درج ہے۔بلکہ بعض لوگ کہتے ہیں کہ ہم نے خاص پیر صاحب کی زبان سے بھی یہ بات سنی ہے نیز ان لوگوں نے عوام الناس کو دھو کہ میں ڈالنے کے لئے یہ بھی مشہور کر رکھا ہے کہ پیر صاحب نے حضرت اقدس مرزا صاحب کی شرط کے مطابق اشتہار شائع کر کے ان کو پہنچادیا تھا۔اس لئے ہم پیر صاحب سے شہادتِ حقہ لینے کے لئے یہ عرض کرتے ہیں کہ اگر پیر صاحب چار معززسمجھدار ہندو رئیسوں کے جلسے میں تین دن کے اندر حلف اٹھا کر اس بات کو ثابت کر دیں کہ پیر صاحب نے ۲۵ / تاریخ کو بمضمون مذکورہ بالا حضرت میرزا صاحب کی خدمت میں تاریں روانہ کی تھیں اور اسی طرح سے اس بات کو خدا تعالیٰ کی قسم کھا کر ثابت کر دیں اور اپنا اصل مشتہرہ اشتہار دکھا دیں کہ جس میں انہوں نے خود حضرت اقدس مسیح موعود میرزا صاحب کولکھا ہو کہ آپ کے ساتھ مباحثة تفسير القرآن تمام شرائط مندرجہ اشتہار ۲۰ / جولائی ۱۹۰۰ ء کے مطابق کرنے کو منظور کرتا ہوں اور اقرار کرتا ہوں کہ مغلوبیت میں آپ کی بیعت کرلوں گا ( کیونکہ یہی سب سے بڑی اور ضروری شرط میرزا صاحب کی تھی ) تو ہم پیر صاحب کو اکاون روپے بطور نذر پیش کریں گے۔اگر انہوں نے ایسانہ کیا تو خلقت ان کی راست بازی سمجھ لے۔نوٹ۔اس کام کے لئے ہم جناب لالہ سندر داس صاحب سوری ایم۔اے اسٹنٹ رجسٹرار پنجاب یونیورسٹی۔بابوا بناش چندر صاحب ہیڈ کلرک دفتر اگز یمینر ریلوے۔ڈاکٹر لالہ پر مانند صاحب ڈنٹسٹ سرجن و رئیس لاہور۔لالہ دھن پت رائے صاحب بی۔اے ایل ایل بی۔وکیل چیف کورٹ پنجاب کو منتخب کرتے ہیں۔فقط ۲۷ /اگست ۱۹۰۰ء الملتمس خاکساران - حکیم فضل الہی و معراج الدین عمر جائنٹ سیکرٹری انجمن فرقانیہ لاہور