حیاتِ احمد (حیاتِ احمد۔ جلد چہارم) — Page 440
حیات احمد ۴۴۰ جلد چهارم اور پیغمبر اسلام کو در حقیقت سچا اور یہود اور نصاریٰ میں فیصلہ کرنے والا جانتا ہے سوان دونوں فریق میں سے جو فریق تیری نظر میں جھوٹا ہے اس کو ایک سال کے اندر ہلاک کر اور اُس پر اپنا ویل نازل کر۔اور چاہیے کہ ایک فریق جب دعا کرے تو دوسرا آمین کہے اور جب دوسرا فریق دعا کرے تو یہ فریق آمین کہے۔اور میری دلی مراد ہے کہ اس مقابلہ کے لئے ڈاکٹر مارٹن کلارک کو منتخب کیا جائے کیونکہ وہ موٹا اور جوان عمر اور اول درجہ کا تندرست اور پھر ڈاکٹر ہے اپنی عمر درازی کا تمام بندو بست کرلے گا۔یقیناً ڈاکٹر مارٹن کلارک صاحب ضرور ہماری درخواست کو قبول کر لیں گے کیونکہ انہیں یسوع ابن مریم کے خدا بنانے کا بہت شوق ہے۔اور سخت نامردی ہوگی کہ اب وہ اس وقت بھاگ جائیں اور اگر وہ بھاگ جائیں تو پادری عمادالدین صاحب اس مقابلہ کے لائق ہیں جنہوں نے ابن مریم کو خدا بنانے کے لئے ہر ایک انسانی چالا کی کو استعمال کیا اور آفتاب پر تھوکا ہے۔اور اگر وہ بھی اس خوف سے بھاگ گئے کہ خدا کا ویل ضرور اسے کھا جائے گا تو حسام الدین یا صفدر علی یا ٹھاکر داس یا طامس ہاول اور بالآخر فتح مسیح اس میدان میں آوے یا اور کوئی پادری صاحب نکلیں۔اور اگر اس رسالہ کے شائع ہونے کے بعد دو ماہ تک کوئی بھی نہ نکلا اور صرف شیطانی عذر بہانہ سے کام لیا تو پنجاب اور ہندوستان کے تمام پادریوں کے جھوٹے ہونے پر مہر لگ جائے گی۔اور پھر خدا اپنے طور سے جھوٹ کی بیخ کنی کرے گا۔یا درکھو کہ ضرور کرے گا۔کیونکہ وقت آگیا۔وَالسَّلَامُ عَلَى مَنِ اتَّبَعَ الْهُدَى میرزا غلام احمد از قادیان ۱۴ ستمبر ۱۸۹۶ء انجام آنقم ، روحانی خزائن جلد ا اصفحه ۳۹ تا ۴۴- تبلیغ رسالت جلد ۵ صفحه ۲۳ تا ۲۸)