حیاتِ احمد (حیاتِ احمد۔ جلد چہارم) — Page 501
حیات احمد ۵۰۱ جلد چهارم خلیفہ المسلمین ہے اس کی توہین کی گئی ہے۔یہاں تک کہ مخالفت کا اثر بعض ان لوگوں پر بھی ہوا جو مسلمانوں میں ایک امتیازی حیثیت رکھتے تھے ان میں سے ایک بزرگ جو تاریخ سلسلہ میں چودھویں صدی کا بزرگ کے نام سے مشہور ہیں۔اُس نے ایک مضمون اخبار چودہویں صدی روالپنڈی میں لکھا۔بقیہ حاشیہ۔مقدم رکھا جائے۔اور مجھے سلطان روم سے کیا فائدہ۔ان سب باتوں کو سفیر مذکور نے تعجب سے سنا اور حیرت سے میرا منہ دیکھتا تھا۔یہی وجہ ہے کہ وہ اپنے خط میں جو ناظم الہند ۱۵ رمئی ۱۷ ء میں چھپا ہے۔میرا نام نمرود اور شد ادا اور شیطان رکھتا ہے۔اور مجھے جھوٹا اور مزوّر اور مورد غضب الہی قرار دیتا ہے۔لیکن یہ سخت گوئی اس کی جائے افسوس نہیں کیونکہ انسان نابینائی کی حالت میں سورج کو بھی تاریک خیال کر سکتا ہے اس کے لئے بہتر تھا کہ میرے پاس نہ آتا۔میرے پاس سے ایسی بدگوئی سے واپس جانا اُس کی سخت بدقسمتی ہے۔اور مجھے کچھ ضرور نہ تھا کہ میں اس کی یاوہ گوئی کا ذکر کرتا۔مگر اس نے بپاداش نیکی ہر ایک شخص کے پاس بدی کرنا شروع کیا اور بٹالہ اور امرت سر اور لاہور میں بہت سے آدمیوں کے پاس وہ دل آزار باتیں میری نسبت اور میری جماعت کی نسبت کہیں کہ ایک شریف آدمی با وجود اختلاف رائے کے کبھی زبان پر نہیں لاسکتا۔افسوس کہ میں نے بہت شوق اور آرزو کے بعد گورنمنٹ روم کا نمونہ دیکھا تو یہ دیکھا اور میں مکرر ناظرین کو اس طرف توجہ دلاتا ہوں کہ مجھے اس سفیر کی ملاقات کا ایک ذرہ شوق نہ تھا بلکہ جب میں نے سنا کہ لاہور کی میری جماعت اس سے ملی ہے تو میں نے بہت افسوس کیا اور اُن کی طرف ملامت کا خط لکھا کہ یہ کارروائی میرے منشاء کے خلاف کی گئی۔پھر آخر سفیر نے لاہور سے ایک انکساری خط میری طرف لکھا کہ میں ملنا چاہتا ہوں سو اس کے الحاح پر میں نے اس کو قادیان آنے کی اجازت دی لیکن اللہ جل شانہ جانتا ہے جس پر جھوٹ باندھنا لعنت کا داغ خریدنا ہے کہ اس عالم الغیب نے مجھے پہلے سے اطلاع دے دی تھی کہ اس شخص کی سرشت میں نفاق کی رنگ آمیزی ہے سو ایسا ہی ظہور میں آیا۔اب میں سفیر مذکور کا انکساری خط جو میری طرف پہنچا تھا اور پھر اس کا دوسرا خط جو ناظم الہند میں چھپا ہے ذیل میں لکھتا ہوں۔ناظرین خود پڑھ لیں اور نتیجہ نکال لیں اور ہماری جماعت کو چاہیے کہ آئندہ ایسے اشخاص کے ملنے سے دستکش رہیں۔آسمانی سلسلہ سے دنیا پیار نہیں کرسکتی۔المشتهر خاکسار میرزا غلام احمد قادیانی تبلیغ رسالت جلد ۶ صفحه ۱۱۳ تا ۱۱۶ مجموعہ اشتہارات جلد ۲ صفحه ۱۰۳ تا ۰۵ اطبع بار دوم )