حیاتِ احمد (حیاتِ احمد۔ جلد سوم) — Page 337
حیات احمد ۳۳۷ جلد سوم کا قرآن مجید کے فیصلہ کے موافق فیصلہ کر لیں اس سلسلہ میں آپ نے آسمانی فیصلہ کا حوالہ دیا اور اپنی تقریر کو اس پر ختم فرمایا۔اب بھی یہ لوگ یاد رکھیں کہ ان کی عداوت سے اسلام کو کچھ ضر نہیں پہنچ سکتا۔کیڑوں کی طرح خود مر جائیں گے مگر اسلام کا نور دن بدن ترقی کرے گا۔خدا تعالیٰ نے چاہا ہے کہ اسلام کا نور دنیا میں پھیلا دے۔اسلام کی برکتیں اب ان مگس طینت مولویوں کی بک بک سے رُک نہیں سکتیں خدا تعالیٰ نے مجھے مخاطب کر کے صاف لفظوں میں فرمایا ہے۔اَنَا الْفَتَّاحُ اَفْتَحُ لَكَ۔تَرَى نَصْرًا عَجِيْبًا وَيَخِرُّوْنَ عَلَى الْمَسَاجِدِ۔رَبَّنَا اغْفِرْ لَنَا إِنَّا كُنَّا خَاطِئِينَ جَلَابِيْبُ الصِّدْقِ۔فَاسْتَقِمْ كَمَا أُمِرْتَ اَلْخَوَارِقُ تَحْتَ مُنْتَهَى صِدْقِ الْأَقْدَامِ كُنْ لِلَّهِ جَمِيْعًا وَمَعَ اللَّهِ جَمِيْعًا۔عَسَى أَنْ يَبْعَثَكَ رَبُّكَ مَقَامًا مَّحْمُوْدًا یعنی میں فَتَّاح ہوں تجھے فتح دوں گا ایک عجیب مدد تو دیکھے گا اور منکر یعنی بعض اُن کے جن کی قسمت میں ہدایت مقدر ہے اپنی سجدہ گاہوں پر گریں گے یہ کہتے ہوئے کہ اے ہمارے رب ! ہمارے گناہ بخش ہم خطا پر تھے۔یہ صدق کے جلا بیب ہیں جو ظاہر ہوں گے۔سوجیسا کہ تجھے حکم کیا گیا ہے استقامت اختیار کر خوارق یعنی کرامات اس محل پر ظاہر ہوتی ہیں جو انتہائی درجہ صدق اقدام کا ہے۔تو سارا خدا کے لئے ساتھ ہو جا تو سارا خدا کے ساتھ ہو جا۔خدا تجھے اُس مقام پر اٹھائے گا جس میں تو تعریف کیا جائے گا۔اور ایک الہام میں چند دفعہ تکرار اور کسی قدر اختلاف الفاظ کے ساتھ فرمایا کہ میں تجھے عزت دوں گا اور بڑھاؤں گا اور تیرے آثار میں برکت رکھ دوں گا یہاں تک کہ بادشاہ تیرے کپڑوں سے برکت ڈھونڈیں گے۔اب اے مولویو! اے بخل کی سرشت والو! اگر طاقت ہے تو خدا تعالیٰ کی ان پیشگوئیوں کو ٹال کر دکھلا ؤ۔ہر یک قسم کے فریب کام میں لاؤ اور کوئی فریب اٹھا نہ رکھو پھر دیکھو کہ آخر خدا تعالیٰ کا ہاتھ