حیاتِ احمد (حیاتِ احمد۔ جلد اوّل) — Page 73
حیات احمد ۷۳ جلد اوّل حصہ اول عمّی بازی خولیش کردی و مرا افسوس بسیار دادی اس واقعہ کو بہتر ہوگا کہ حضرت مرزا صاحب کے ہی الفاظ میں لکھ دوں۔چنانچہ فرماتے ہیں :۔اپنے بھائی مرزا غلام قادر مرحوم کی وفات کی نسبت پیشگوئی ہے جس میں میرے ایک بیٹے کی طرف سے بطور حکایت عن الغير مجھے یہ الہام ہوا۔اے عمی بازی خویش کردی و مرا افسوس بسیار دادی۔یہ پیشگوئی بھی اسی شرمپت آریہ کو قبل از وقت بتلائی گئی تھی۔اور اس الہام کا مطلب یہ تھا کہ میرے بھائی کی بیوقت موت ہو گی جو موجب صدمہ ہوگی۔جب یہ الہام ہوا تو اُس دن یا اُس سے ایک دن پہلے شرمپت مذکور کے گھر میں ایک لڑکا پیدا ہوا جس کا اس نے امین چند نام رکھا اور مجھے آ کر اس نے بتلایا کہ میرے گھر میں لڑکا پیدا ہوا ہے جس کا نام میں نے امین چند رکھا ہے۔میں نے کہا کہ ابھی مجھے الہام ہوا ہے کہ اے عمی بازی خولیش کر دی و مرا افسوس بسیار دادی۔“ اور ہنوز اس الہام کے میرے پر معنی نہیں کھلے میں ڈرتا ہوں کہ اس سے مراد تیرا لڑکا امین چند ہی نہ ہو کیونکہ تیری میرے پاس آمد و رفت بہت ہے۔اور الہامات میں کبھی ایسا اتفاق ہو جاتا ہے کہ کسی تعلق رکھنے والے کی نسبت الہام ہوتا ہے۔وہ یہ بات سن کر ڈر گیا اور اس نے گھر میں جاتے ہی اپنے لڑکے کا نام بدلا دیا یعنی بجائے امین چند کے گوکل چند نام رکھ دیا۔وہ لڑکا اب تک زندہ ہے۔اور ان دنوں میں کسی ضلع کے بندوبست میں مثل خواں ہے۔اور بعد اس کے میرے پرکھولا گیا کہ یہ الہام میرے بھائی کی طرف اشارہ ہے۔چنانچہ میرا بھائی دو تین دن کے بعد ایک نا گہانی طور پر فوت ہو گیا اور میرے اُس لڑکے کو اس کی موت کا صدمہ پہنچا اور اس پیچ میں آ کر شرمیت مذکور جو سخت متعصب آریہ ہے گواہ بن گیا۔“ (حقیقۃ الوحی، روحانی خزائن جلد ۲۲ صفحه ۲۳۴،۲۳۳)