دینی نصاب — Page 272
وَبِحَمْدِهِ سُبْحَانَ اللهِ الْعَظِيْمِ - اللَّهُمَّ صَلِّ عَلَى مُحَمَّدٍ وَآلِ مُحَمَّدٍ کا ورد کریں اور ۱۰۰ بار استغفار۔۱۵ سے ۲۵ سال عمر والے ۱۰۰ بار تسبیح پڑھیں اور ۳۳ مرتبہ استغفار۔ے سے ۱۵ سال تک عمر والے ۳۳ مر تبہ تسبیح پڑھیں اور اامرتبہ استغفار۔۷ سال سے کم عمر کے بچوں کو والدین بار تسبیح اور استغفار پڑھائیں۔نویں تحریک ( نصرت جہاں ریزروفنڈ سکیم ) ۱۹۶۷ء میں حضور نے یورپ کے متعدد ممالک کا دورہ کیا تھا اور ڈنمارک کے دارالسلطنت کوپن ہیگن میں مسجد نصرت جہاں کے افتتاح کے علاوہ اقوام مغرب کو جلد آنے والی تباہیوں کے متعلق انذار فرمایا۔پھر ۱۹۷۰ ء میں حضور نے مغربی افریقہ کے سات ممالک نائجیر یا۔گھانا۔آئیوری کوسٹ۔لائبیریا۔گیمبیا اور سیرالیون کا دورہ فرمایا۔اس دورہ میں منشاء الہی سے ایک خاص پروگرام کا اعلان فرمایا جس کا نام حضور نے لیپ فارورڈ پروگرام تجویز کیا۔اور اس پروگرام کو ملی جامہ پہنانے کے لئے ایک لاکھ پونڈ کا "نصرت جہاں ریزرو فنڈ قائم کرنے کی تحریک فرمائی۔اس تحریک کا مقصد افریقہ میں اسلام کا قیام و استحکام ہے جس کا نتیجہ انشاء اللہ العزیز اسلام کے عالمگیر غلبہ کی صورت میں نکلنا مقدر ہے۔اس فنڈ سے افریقہ کے ممالک میں مزید تعلیمی سنٹر کھولے جا رہے ہیں۔اس کے علاوہ وہاں طبی مراکز بھی قائم ہورہے ہیں۔اسی فنڈ سے افریقہ کے کسی ملک میں ایک طاقتور ریڈیو سٹیشن قائم کرنے کی تجویز تھی جہاں سے اسلام کا پیغام ۲۴ گھنٹے ساری دنیا میں نشر ہونا تھا۔اسی طرح ایک بڑا پریس مرکز میں قائم کیا جائے گا جس کے ذریعہ مختلف زبانوں میں قرآن کریم کے تراجم اور دوسرا اسلامی لٹریچر شائع کیا جائے گا۔نصرت جہاں ریزروفنڈ سکیم کے تحت افریقی ممالک میں اس وقت تک جو میڈیکل سنٹرز اور سیکنڈری سکول کھولے جاچکے ہیں ان کی تفصیل یہ ہے:۔272