دینی نصاب — Page 273
نائجیریا میں تین میڈیکل سنٹر اور دو سیکنڈری سکول۔غانا میں چار میڈیکل سنٹر اور چھ سیکنڈری سکول۔لائبیریا میں ایک میڈیکل سنٹر اور ایک سیکنڈری سکول۔گیمبیا میں ۵ نئے میڈیکل سنٹر اور سیرالیون میں چارمیڈیکل سنٹر اور چھ سیکنڈری سکول۔دسویں تحریک صد سالہ احمد یہ جوبلی فنڈ سکیم اللہ تعالیٰ کے منشاء اور حکم کے مطابق جماعت احمدیہ کی بنیاد ۱۸۸۹ء میں رکھی گئی۔اس لحاظ سے ۱۹۸۹ء میں جماعت کے قیام پر سو سال گذر گئے اور اس سال سے جماعت کی دوسری صدی شروع ہوئی جو اللہ تعالیٰ کی بشارات کے مطابق انشاء اللہ غلبہ اسلام کی صدی ہے۔اس دوسری صدی کے استقبال کے لئے جس کے شروع ہونے میں بھی سولہ سال باقی تھے حضرت خلیفہ اسیح الثالث نے حسب منشاء الہی جلسہ سالانہ ۱۹۷۳ء کے موقع پر جماعت ہائے بیرون کی تربیت اشاعت اسلام کے کام کو تیز سے تیز تر کرنے ، غلبہ اسلام کے دن کو قریب سے قریب تر لانے اور نوع انسان کے دل خدا اور اس کے رسول حضرت محمد مصطفی صلی اللہ علیہ وسلم کے لئے جیتنے کیلئے ایک عظیم منصوبے کا اعلان فرمایا۔اس کے اغراض و مقاصد کی وضاحت کرتے ہوئے حضور نے فرمایا کہ ابھی دنیا میں بہت سے ایسے ممالک ہیں جہاں ہماری منتظم جماعتیں اور مشن قائم نہیں ہوئے۔اس لئے اس منصوبہ کے ایک ابتدائی حصہ کی رو سے یہ تجویز ہے کہ کم از کم سوز بانوں میں اسلام کی بنیادی تعلیم کے تراجم کر کے بیرونی ملکوں میں کثرت سے اشاعت کی جائے اور اس ذریعہ سے وہاں کے باشندوں کی تربیت و اصلاح اور ان کو اسلام کی طرف لانے کی کوشش کی جائے۔نیز فرمایا کئی جگہ ہمیں نئے مشن کھولنے پڑیں گے اور وہاں مسجد میں بنانی پڑیں گی۔اس منصوبے کی تکمیل کیلئے مالی قربانی کے سلسلہ میں حضور نے فرمایا:۔” میں نے مخلصین جماعت سے آئندہ سولہ سال میں ڈھائی کروڑ روپیہ جمع کرنے کی اپیل کی تھی اور ساتھ ہی اللہ تعالیٰ پر توکل کرتے ہوئے یہ اعلان بھی کر دیا تھا کہ انشاء اللہ یہ رقم پانچ 273