اَلذِّکْرُ الْمَحْفُوْظ — Page 51
عہد نبوی میں جمع و تدوین قرآن 51 حضرت عمرؓ فرماتے ہیں کہ میں نے رسول کریم صلی اللہ علیہ وسلم کی حیات مبارکہ میں ایک صحابی ہشام بن حکیم بن حزام ( رضی اللہ عنہ ) کو سورۃ الفرقان کی تلاوت کرتے سنا۔میں نے غور سے سُنا تو معلوم ہوا کہ وہ کسی ایسے انداز میں پڑھ رہے ہیں جس انداز میں رسول کریم صلی اللہ علیہ وسلم نے مجھے کبھی نہیں پڑھایا۔پس میں ان کی نماز مکمل ہونے کا انتظار کرتا رہا اور مجھے ان کی نماز کے اختتام تک بہت صبر سے بیٹھنا پڑا۔جب انہوں نے سلام پھیرا تو میں نے ان کو ان کی چادر سے پکڑ لیا اور پوچھا کہ جو سورۃ میں نے ابھی تجھ سے سنی ہے یہ تجھے کس نے پڑھائی ہے۔انہوں نے جواب دیا کہ مجھے رسول اللہ صلی اللہ علیہ وسلم نے پڑھائی ہے۔میں نے کہا تم غلط کہتے ہو کیونکہ رسول اللہ صلی اللہ علیہ وسلم نے مجھے بھی پڑھائی ہے اور وہ اس طرح نہیں ہے۔پس میں انہیں لے رسول کریم صلی اللہ علیہ والہ وسلم کی خدمت میں حاضر ہوا اور عرض کی کہ میں نے انہیں قرآن کریم اس انداز میں پڑھتے ہوئے سُنا ہے جو آپ نے مجھے نہیں پڑھایا۔اس پر رسول اللہ صلی اللہ علیہ وسلم نے فرمایا اسے چھوڑ دو اور کہا اے ہشام پڑھو۔پھر مجھے پڑھنے کا ارشاد فرمایا۔پس میں نے اسی طرح تلاوت کی جس طرح میں نے رسول کریم صلی اللہ علیہ والہ وسلم سے سیکھی تھی۔اس پر رسول کریم نے فرمایا کہ ( یہ سورۃ ) اس طرح بھی نازل ہوئی ہے۔پھر فرمانے لگے کہ قرآن کریم سات حروف میں نازل ہوا ہے پس جیسے آسانی محسوس کرو، پڑھ لیا کرو۔(بخاری کتاب فضائل القرآن باب انزل القرآن على سبعة حرف) اس روایت کے مطابق دونوں صحابہ نے رسول کریم صلی اللہ علیہ والہ وسلم سے قرآن کریم سیکھا تھا۔اسی طرح مسند احمد بن حنبل میں روایت ہے کہ ایک انصاری صحابیہ حضرت ام ہشام فرماتی ہیں: أَخَذْتُ قَ وَالْقُرْآنِ الْمَجِيدِ (ق:2) عَلَى لِسَانٍ رَسُولِ الله الله (مسند القبائل حديث ام هشام بن حارثه النعمان) یعنی میں نے سورۃ ق آنحضور صلی اللہ علیہ وسلم کی زبان سے سیکھی تھی۔عَنْ أَنَسٍ رَضِيَ اللَّهُ عَنْهُ قَالَ قَالَ رَسُوْلُ اللَّهِ صلى الله عليه و وسلم لِأُبَيِّ بنِ كَعْب "إِنَّ اللَّهَ أَمَرَنِي أَنْ أَقْرَأْ عَلَيْكَ الْقُرْآنَ - قَالَ: اللَّهُ سَمَّانِي لَكَ قَالَ : نَعَمْ قَالَ : وَقَدْ ذُكِرْتُ عِنْدَ رَبِّ الْعَالَمِيْنَ قَالَ نَعَمْ - فَذَرَفَتْ عَيْنَاهُ (متفق عليه بحواله مشكاة المصابيح كتاب فضائل القرآن) حضرت انس رضی اللہ عنہ روایت کرتے ہیں کہ رسول اللہ صلی اللہ علیہ وسلم نے ابيِّ بِنُ كَعب رضی اللہ عنہ کو مخاطب کر کے فرمایا کہ اللہ تعالیٰ نے مجھے حکم دیا ہے کہ میں تم کو قرآن پڑھ کر