انوارالعلوم (جلد 6) — Page 219
الدار العلوم جلد 4 ۲۱۹ آئینه صداقت طور پر قادیان کی جماعت پر اعتراضات ہونے لگے اور ان کے جوابات الفضل میں حضرت خلیفہ المسیح کے مشورہ سے شائع ہوتے رہے۔ گو یہ لوگ جو نبی حضرت خلیفہ المسیح کی ناراضگی کا علم پاتے تھے۔ فوراً اگر آپ سے معافی مانگ لیتے مگر پھر جا کر وہی کام شروع ہوجاتا۔ یہ زمانہ جماعت کے لئے بہت نازک تھا کیونکہ دشمن بھی اس اختلاف سے آگاہ ہو گئے جو اندر ہی اندر کئی سال سے نمودار ہو رہا تھا اور انہوں نے اس علم سے فائدہ اُٹھا کر ان لوگوں کو فساد پر اور بھی آمادہ کرنا شروع کیا ۔ اور کئی قسم کے سبز باغ دکھانے شروع کئے ۔ حتی کہ حضرت خلیفہ انسیح کو پیغام مصلح کا نام پیغام جنگ رکھنا پڑا ۔ خفیہ ٹریکیٹ گو اخبار کے ذریعہ سے بہت کچھ زہر یہ لوگ ہمارے خلاف اُگلتے تھے مگر پھر بھی حضرت خلیفۃ المسیح کا خوف ساتھ لگا رہتا تھا ۔ پس ان کے دل کا ساتھ حوصلہ پوری طرح نہ نکلتا تھا اور خود حضرت خلیفۃ المسیح کے خلاف تو کھلم کھلا کچھ لکھ ہی نہ سکتے تھے۔ اس لئے بنگال کے انارکسٹوں کے شاگرد بن کرمولوی محمد علی صاحب کے ہم خیال لوگوں کی ایک جماعت نے ایسے ٹرکیٹوں کا ایک سلسلہ شروع کیا جن کے نیچے نہ پریس کا نام ہوتا تھا اور نہ لکھنے والے کا ۔ چنانچہ اس سلسلہ میں ان لوگوں نے دو ٹریکیٹ شائع کئے جن کا نام اظہار الحق نمبرا - اور اظہار الحق نمبر ۲ رکھا گیا ۔ یہ دونوں ٹریکٹ وسط نومبر سنہ میں ایک دو دن کے وقفہ سے ایک دوسرے کے بعد شائع ہوئے۔ پہلا ٹریکیٹ چار صفحہ کا تھا اور دوسرا آٹھ صفحہ کا ۔ دونوں کے آخر میں لکھنے والے کے نام کی بجائے داعی الی الوصیت لکھا ہوا تھا ۔ یعنی حضرت مسیح موعود کی وصیت کی طرف جماعت کو بلانے والا ۔ ٹریکیٹ اول کا خلاصہ یہ تھا کہ اس زمانہ میں جمہوریت کی اشاعت پہلے ٹریکیٹ کا خلاصہ اس بات کی طرف اشارہ کرتی تھی کہ اس زمانہ کا مأمور بھی جمہوریت کا حامی ہوگا۔ چنانچہ ایسا ہی ہوا ۔ حضرت مسیح موعود سوائے ان امور کے جن میں وحی ہوتی احباب سے مشورہ کر لیا کرتے تھے اور فرماتے تھے کہ ہمیں خدا تعالیٰ نے اس لئے مامور کیا ہے کہ انسانوں کی شانیں جو حد سے زیادہ بڑھا دی گئی ہیں ان کو دور کریں اور جب آپ کو اپنی وفات کے قرب کی خبر خدا تعالٰے نے دی تو آپ نے اپنی وصیت لکھی اور اس میں اپنے بعد جانشین کا مسئلہ اس طرح حل کیا کہ آپ کے بعد جمہوریت ہوگی اور ایک انجمن کے سپرد کام ہوگا ۔ مگر افسوس کہ آپ کی وفات پر جماعت نے آپ کے