انوارالعلوم (جلد 5) — Page 559
انوار العلوم جلد ۵ ۵۵۹ ملائكة الله کر لیتا ہے اس کا تعلق ملائیکہ سے ہو جاتا ہے اور رسول کریم صلی الہ علیہ وسلم بھی اس کی تصدیق کرتے ہیں۔چنانچہ فرماتے ہیں کہ جو شخص اپنے بھائی کے لئے دعا کرتا ہے ملائکہ اس کے لئے دعا کرتے ہیں۔پس لوگوں کے گناہوں کو معاف کرنا اور غیظ و غضب کا مبتلا نہ بننا فرشتوں سے تعلق پیدا کرنے کا ایک ذریعہ ہے۔چوتھا طریق جو ملائکہ سے مشابہت پیدا کرنے کی چوتھی دہر ہے۔یہ ہے کہ انسان تسبیح و تحمید کرے۔خدا تعالیٰ نے ملائکہ کو یہ کام بتایا ہے کہ وَتَرَى الْمَلَئِكَةَ حَاذِيْنَ مِنْ حَوْلِ الْعَرْشِ يُسَبِّحُونَ بِحَمْدِ رَبِّهِمُ (الزمر: 4) کہ وہ خدا کی تسبیح اور حمد کرتے ہیں ہیں تسبیح و تحمید کرتے والے کا بھی ملائکہ سے خاص تعلق پیدا ہو جاتا ہے۔اس کا ثبوت بھی رسول کریم صلی اللہ علیہ وسلم کے کلام سے ملتا ہے۔فرماتے ہیں۔جہاں کوئی خدا کا ذکر کر رہا ہوتا ہے وہاں ملائکہ نازل ہوتے ہیں۔اس کے متعلق یہ بھی یاد رکھو کہ بالعموم میں قرآن سے استدلال کرتا ہوں اور وہی بات حدیث میں مل جاتی ہے۔جس سے یہ ثابت ہو جاتا ہے کہ رسول کریم صلی اللہ علیہ وسلم بھی قرآن سے اخذ کر کے یہ باتیں فرماتے تھے۔ہاں آپ کا علم چونکہ بہت وسیع اور نہایت کامل تھا اس لئے آپ زیادہ اعلیٰ طور پر ان باتوں کا اخراج کرلیتے تھے۔يُسَبِّحُونَ بِحَمْدِ رَبِّهِمْ سے میں نے تسبیح کرنا ملائکہ کا کام بتایا تھا اور حدیث سے یہ معلوم ہو گیا کہ جو لوگ یہ کام کرتے ہیں انہیں ملائکہ سے مشابہت پیدا ہو جاتی ہے اور ان سے تعلق ہو جاتا ہے۔کیونکہ رسول کریم صلی اللہ علیہ وسلم فرماتے ہیں کہ جہاں خدا کا ذکر ہو رہا ہو وہاں فرشتے نازل ہوتے ہیں۔یعنی اس جگہ اپنا فیضان نازل کرتے ہیں۔چند سال ہوئے میں نے ذکر الٹی پر تقریر کی تھی اس کے متعلق ایک صاحب نے جو غیر احمدی تھے اور ابھی احمدی نہیں ہوئے تھے بتایا کہ میں فرشتوں کے فیضان کی زندہ شہادت ہوں۔ان دنوں میری آنکھیں بیمار تھیں اور میں اس دن بڑی مشکل سے دوسروں کے ذریعہ جلسہ گاہ میں گیا تھا لیکن تقریر سننے کے بعد میری آنکھیں اچھی ہو گئیں اور میں خود واپس آگیا۔پھر ایک تو ذکر مری ہوتا ہے کہ انسان الگ بیٹھ کر خدا تعالیٰ کی تسبیح کرے اور ایک جہری ذکرہ ہوتا ہے اور وہ یہ کہ لوگوں کو جاکر بنائے اور ان کو تبلیغ کرے۔یہ دونوں ذرائع ایسے ہیں جن کو اختیار کر کے انسان ملائکہ سے تعلق پیدا کر سکتا ہے۔پانچواں طریق یہ ہے کہ قرآن کریم کی تلاوت کی جائے اس سے بھی ملائکہ سے تعلق پیدا ہوتا ہے۔عه مسلم كتاب الذكر والدعاء والتوبة والاستغفار باب فضل مجالس الذكر مسلم - كتاب الذكر والدعاء والتوبة والاستغفار باب فضل الدعاء بظهر الغيب