انوارالعلوم (جلد 20) — Page 171
انوار العلوم جلد ۲۰ دیباچہ تفسیر القرآن انہوں نے نہ تو اُس کو تلوار سے مارا اور نہ صلیب پر لٹکا کر مارا۔صرف اُن کو ایک شبہ پیدا ہو گیا کہ وہ صلیب پر مر گیا ہے مگر یہ صرف شبہ تھا اُنہیں ایسا یقین نہ تھا۔چنانچہ خود اُن کی قوم میں یہ اختلاف چلا آیا ہے اور وہ اس کے بارے میں کسی یقینی بات پر قائم نہیں۔اُن کو اس بات کا علم حاصل نہیں بلکہ صرف تخمینی طور پر یہ بات کہتے ہیں اور یہ قطعی بات ہے کہ وہ اُسے مارنے میں کامیاب نہیں ہوئے بلکہ اللہ تعالیٰ نے اُس کو صلیب کی لعنتی موت سے بچا کر اپنے مقربوں میں جگہ دی۔اور اللہ تعالیٰ غالب حکمت والا ہے۔ہر اہل کتاب اپنی موت سے پہلے پہلے اس کے متعلق ایمان ظاہر کرتا رہے گا کہ وہ صلیب پر مر گیا ہے۔لیکن قیامت کے دن مسیح اُن کے اوپر گواہی دے گا کہ انہوں نے اس پر یہ الزام لگا کر کہ وہ صلیب پر مر گیا ہے افتراء کیا ہے۔پس یہودیوں کے ان ظالموں کی وجہ سے ہم نے اُن آسمانی نعمتوں سے ان کو محروم کر دیا جو پہلے اُن کا کی حق سمجھی جاتی تھیں۔ان آیات میں کس طرح حضرت مسیح کے منکروں پر حجت تمام کی گئی ہے۔دوسری بات یہ فرمائی گئی تھی کہ وہ مسیح کی وفات ثابت کرے گا اور دنیا کو بتا دے گا کہ دنیا پھر اسرائیلی مسیح کو نہیں دیکھے گی۔یہ کام بھی محمد رسول اللہ صلی اللہ علیہ وسلم نے کیا اور اس غلط عقیدہ کو باطل کر کے رکھ دیا جو عیسائیوں میں پھیلا ہوا تھا کہ مسیح آسمان پر بیٹھا ہوا ہے۔قرآن کریم میں اللہ تعالیٰ فرماتا ہے وَ اِذْ قَالَ اللهُ عِيسَى ابْنَ مَرْيَمَ انْتَ قُلْتَ لِلنَّاسِ اتَّخِذُوني وأرقي المَيْنِ مِن دُونِ اللهِ ، قَالَ سُبْحَنَكَ مَا يَكُونُ لِي ان اقول ما ليس لي : يحق ، إنْ كُنْتُ قُلْتُهُ فَقَدْ عَلِمْتَهُ ، تَعْلَمُ مَا فِي نَفْسِي وَلا أَعْلَمُ ما في نفسك ، إنَّكَ أَنْتَ عَلامُ الْغُيُوبِ - مَا قُلتُ لَهُمْ إِلَّا مَا أَمَرْتَنِي بِه آن اعْبُدُوا اللهَ رَبّي وَرَبِّكُمْ وَ كُنْتُ عَلَيْهِمْ شَهِيدًا مَّادُ مْتُ فِيهِمْ فَلَمَّا % تَوَفَّيَتَنِي كُنْتَ اَنْتَ الرَّقِيبٌ عَلَيْهِمْ، وَانْتَ عَلَى كُلِّ شَيْءٍ شَهِيدٌ - إن تُعَذِّبْهُمْ فَإنَّهُمْ عِبَادَكَ ، وَإِنْ تَغْفِرْ لَهُمْ فَإِنَّكَ أَنتَ الْعَزِيزُ الْحَكِيمُ ١٨٠ ان آیات میں یہ بیان کیا گیا ہے کہ قیامت کے دن اللہ تعالیٰ حضرت مسیح سے سوال کرے گا کہ کیا تو نے لوگوں سے یہ کہا تھا کہ مجھ کو اور میری ماں کو معبود بناؤ ؟ حضرت مسیح فرمائیں گے اے رب ! تیری ذات پاک ہے بھلا میں ایسا کر سکتا تھا کہ وہ بات کہوں جس کا تو نے مجھے حق نہیں دیا۔اگر