انوار خلافت — Page 61
บ طرح باطل ہوگئی۔آپ نے اپنے آقا سے تو ایک نام کم ہی پایا ہے۔پس آنحضرت سلینا یہ ہم کی نبوت پانچ نام رکھنے کے باوجود ثابت ہو سکتی ہے۔تو پھر کیا وجہ ہے کہ آپ کی نبوت چارنا م رکھنے کی وجہ سے ثابت نہیں ہوسکتی۔وہ لوگ جو یہ اعتراض کرتے ہیں سوچیں اور بتائیں کہ حضرت مسیح موعود کی نبوت کیوں ثابت نہیں ہوسکتی۔نبی کے لئے شریعت لا نا شرط نہیں پھر یہ کہا جاتا ہے کہ نبی کے لئے شرط ہے کہ وہ کتاب یعنی شریعت لائے۔لیکن حضرت مسیح موعود " چونکہ کوئی کتاب نہیں لائے۔اس لئے نبی نہیں ہو سکتے۔یہ اعتراض جن کی طرف سے کیا جاتا ہے وہ اپنے آپ کو احمدی کہتے اور حضرت مسیح موعود“ کے شیدائی کہلاتے ہیں لیکن اتنا نہیں جانتے کہ حضرت مسیح موعود اس کے متعلق خود لکھ گئے ہیں کہ ”نبی کے حقیقی معنوں پر غور نہیں کی گئی۔نبی کے معنی صرف یہ ہیں کہ خدا سے بذریعہ وحی خبر پانے والا ہو اور شرف مکالمہ اور مخاطبہ الہیہ سے مشرف ہو۔شریعت کا لانا اس کے لئے ضروری نہیں اور نہ یہ ضروری ہے کہ صاحب شریعت رسول کا متبع نہ ہو ( براہین احمدیہ حصہ پنجم صفحه ۱۳۸، روحانی خزائن جلد ۲۱ صفحه ۳۰۶) پھر آپ لکھتے ہیں کہ ”نبی کے لئے شارع ہونا شرط نہیں ہے۔یہ صرف موہبت ہے جس کے ذریعہ سے امور غیبیہ کھلتے ہیں۔ایک غلطی کا ازالہ صفحہ ۶ ، روحانی خزائن جلد ۱۸ صفحه ۲۱۰) اسی طرح آپ فرماتے ہیں ” بعد توریت کے صدہا ایسے نبی بنی اسرائیل میں سے آئے کہ کوئی نئی کتاب ان کے ساتھ نہیں تھی۔بلکہ ان انبیاء کے ظہور کے مطالب یہ ہوتے تھے کہ تا ان کے موجودہ زمانہ میں جو لوگ تعلیم توریت سے دور پڑ گئے ہوں۔پھر ان کو توریت کے اصلی منشاء کی طرف کھینچیں۔(شہادۃ القرآن صفحه ۴۴ ، روحانی خزائن جلد ۶ صفحه ۳۴۰)