اہلِ بیتِ رسول ﷺ — Page 9
ازواج النبی 9 تعددازدواج ہلاک کیا۔لوط کی قوم پر پتھر برسائے۔فرعون کو معہ تمام شریر جماعت کے ہولناک طوفان میں غرق کر دیا۔کیا اس کی شان اور غیرت کے لائق ہے کہ اس نے ابراہیمؑ اور یعقوب اور موسیٰ اور داؤد اور سلیمان اور دوسرے کئی انبیاء کو بہت سی بیویوں کے کرنے کی وجہ سے تمام عمر نافرمان پاکر اور پکے سرکش دیکھ کر پھر ان پر عذاب نازل نہ کیا بلکہ انہیں سے زیادہ تر دوستی اور محبت کی " 0 10 تعدد ازدواج کی تمدنی ضرورت اور کثرت نسل حضرت بانی جماعت احمدیہ نے واضح فرمایا کہ اسلام نے تعدد ازدواج کو کم کیا ہے نہ کہ زیادہ نیز اس رخصت کی حکمت اور تمدنی ضرورت بیان کرتے ہوئے فرمایا :۔" عرب میں صدہا بیویوں تک نکاح کر لیتے تھے اور پھر ان کے درمیان اعتدال بھی ضروری نہیں سمجھتے تھے ایک مصیبت میں عورتیں پڑی ہوئی تھیں جیسا کہ اس کا ذکر جان ڈیون پورٹ اور دوسرے بہت سے انگریزوں نے بھی لکھا ہے۔قرآن کریم نے ان صدہا نکاحوں کے عدد کو گھٹا کر چار تک پہنچادیا بلکہ اس کے ساتھ یہ بھی کہہ دیا۔فَإِن خِفْتُمْ أَلَّا تَعْدِلُوا فَوَاحِدَةً یعنی اگر تم ان میں اعتدال نرکھو تو پھر ایک ہی رکھو۔پس اگر کوئی قرآن کے زمانہ پر ایک نظر ڈال کر دیکھے کہ دنیا میں تعدد ازواج کس افراط تک پہنچ گیا تھا اور کیسی بے اعتدالیوں سے عورتوں کے ساتھ برتاؤ ہوتا تھا تو اسے اقرار کر نا پڑے گا کہ قرآن نے دنیا پر یہ احسان کیا کہ ان تمام بے اعتدالیوں کو موقوف کر دیا لیکن چونکہ قانون قدرت ایسا ہی پڑا ہے کہ بعض اوقات انسان کو اولاد کی خواہش اور بیوی کے عقیمہ ہونے کے سبب سے یا بیوی کے دائمی بیمار ہونے کی وجہ سے یا بیوی کی ایسی بیماری کے عارضہ سے جس میں مباشرت ہر گز نا ممکن ہے جیسی بعض صورتیں خروج رحم کی جن میں چھونے کے ساتھ ہی عورت کی جان نکلتی ہے اور کبھی دس دس سال ایسی بیماریاں رہتی ہیں۔اور یا بیوی کا زمانہ پیری جلد آنے سے یا اس کے جلد جلد حمل دار ہونے کے باعث سے فطر تاد وسری بیوی کی ضرورت پڑتی ہے اس لئے اس قدر تعدد کے لئے جواز کا حکم دے دیا اور ساتھ اس کے اعتدال کی شرط لگادی سو یہ انسان کی حالت پر رحم ہے تا وہ اپنی فطری ضرورتوں کے پیش آنے کے وقت اللی حکمت کے تدارک سے محروم نہ رہے جن کو اس بات کا علم نہیں کہ عرب کے باشندے قرآن شریف سے پہلے کثرت ازدواج میں کس بے اعتدالی تک پہنچے ہوئے تھے ایسے بیوقوف ضرور کثرت ازدواجی کا الزام اسلام پر لگائیں گے مگر تاریخ کے جاننے والے اس