خطبة اِلہامِیّة عید الاضحی جو ۱۱؍اپریل ۱۹۰۰ء مطابق ۱۰؍ذوالحج ۱۳۱۷ھ کو ہوئی۔ اس روز عید کی نماز ادا کرنے کے بعد حضرت مسیح موعود علیہ السلام نے نہایت فصیح و بلیغ عربی زبان میں ایک خطبہ ارشاد فرمایا جو خطبہ الہامیہ کے نام سے مشہور ہے اور وہ اس کتاب کا وہ حصہ ہے جو یا عباد اللہ فکّروا سے شروع ہوتا ہے اور و سوف ینبّئھم خبیرٌ پر ختم ہوتا ہے۔ یہ خطبہ طبع باراول کے صفحہ ۱ سے لے کر صفحہ ۳۸ پر اور اس طبع کے صفحہ ۳۱ سے لے کر صفحہ ۷۳ پر ختم ہوتا ہے اس کے بعد ’الباب الثانی‘ شروع ہوتا ہے۔ اصل خطبہ میں جس کی وجہ سے ساری کتاب کا نام ’خطبہ الہامیہ‘ رکھا گیا ق...