حقائق الفرقان۔۲۰۲۴ء ایڈیشن (جلد ۶) — Page 52
حقائق الفرقان ۵۲ سُورَةُ الْمُزَّمِّلِ آخر دیکھ لو۔ اس فطرت کے قاعدہ نے اس الہی سنت یا عادۃ اللہ نے ناظرین کو وہی نتیجہ دکھایا جو ہمیشہ اہلِ ایمان کے ساتھ ان کے بے ایمان مخالفوں کے بے جا حملوں کے وقت دکھاتی چلی آتی ہے۔ ہمارے ہادی، بلکہ بادی انام علیہ الصلوۃ والسلام کی قوم میں نہیں نہیں ۔ آپ کے مولد، مسکن اور آپ کے ملک میں آپ کا کوئی دشمن نہ رہا۔ دشمن کیسے؟ ان کے آثار بھی نہ رہے! مکہ معظمہ نہیں بلکہ جزیرہ نمائے عرب پر نگاہ کر لو۔ تمام عرب آپ کے خدام یا خدام کے معاہدین کی جگہ ہو گیا۔ اللہ اللہ !!! جیسے آپ بے نظیر ہیں۔ ویسے ہی آپ کی کامیابی بھی بے نظیر واقع ہوئی ۔ ناظرین! ایسی کامیابی کسی ملہم ، کسی مدعی الہام، کسی ریفارمر، کسی مصلح ، کسی رسول یا کسی بادشاہ کو کبھی ہوئی ہے؟ ہرگز نہیں کسی مقتدا نے، کس بادشاہ نے۔ نام تو لو۔ ( تصدیق براہین احمد یہ کمپیوٹرائز ڈایڈیشن صفحہ ۱۳ ۱۴) ۱ - فَكَيْفَ تَتَّقُونَ إِنْ كَفَرْتُمْ يَوْمًا يَجْعَلُ الْوِلْدَانَ شِيْبَا ترجمہ ۔ پس اگر تم نے بھی کفر کیا تو تم بھی کیسے بچو گے اس دن جو چھوکروں کو ( بسبب فکر کے ) بوڑھے بنادے گا۔ تفسیر۔ شیب ۔ اشیب کی جمع ہے۔ کثرت ہم وغم بڑھاپے کا باعث ہو جاتا ہے۔ سورۃ ھود میں جب قوموں کی ہلاکت کا بیان نازل ہوا۔ اور ساتھ میں آپ کو بھی حکم ہوا کہ فَاسْتَقِمْ كَمَا أُمِرْتَ وَ مَنْ تَابَ مَعَكَ - (هود: ۱۱۳) تو آپ نے فرمایا کہ شَيَّبَتني (سورة هود) -- متبعین کی استقامت چونکہ اپنے اختیار کی نہیں ہوتی ۔ اس لئے یہ ارشاد آپ کو اللہ تعالیٰ کے بہت ہی رنج و غم کا باعث ہے کا باعث ہوا ۔ ضمیمه اخبار بدر قادیان جلد ۱۱ نمبر ۲۵ مورخه ۲۸ / مارچ ۱۹۱۲ ء صفحه ۲۹۳) لے تو مضبوط جمارہ کی استقامت پر جیسا تجھ کو حکم ہو چکا ہے اور وہ لوگ بھی جنہوں نے تیرے ساتھ رجوع بحق کیا۔ شَيْبَتَنِي هُودٌ (ترمذی کتاب القرآن سورۃ واقعہ ) مجھے (سورۃ ھود نے بوڑھا کر دیا ہے۔