مکتوبات احمد (جلد پنجم) — Page 136
مکتوبات احمد ۱۳۶ جلد حضرت ڈاکٹر سید محمد حسین شاہ صاحب حضرت ڈاکٹر سید محمد حسین شاہ صاحب کے والد کا نام سید اصغر علی شاہ صاحب تھا ۔ آپ د ہرم کوٹ رندھاوا کے رہنے والے تھے اور ڈاکٹری تعلیم کے لئے ۱۸۹۶ء میں لاہور میڈیکل سکول ( میو ہاسپیٹل ) میں داخل ہوئے ۔ ۱۸۹۷ء میں لیکھرام کی نعش کو آپ نے میوہسپتال کے ایک میز پر پڑے دیکھا جبکہ کئی مہاشے اس کی نعش کے گرد جمع تھے اور ایک فوٹو گرافرفوٹو لینے کے لئے بھی ۔ ۱۲ ۱۹۱۱ء میں جبکہ آپ کو سلسلہ عالیہ احمد یہ میں داخل ہوئے ابھی چند سال ہی ہوئے تھے، آپ کے والد صاحب سید اصغر علی شاہ صاحب ساکن ڈیرہ نانک صاحب آپ کے احمد بیت میں داخل ہونے سے بہت ہی رنجیدہ تھے کہ باوجود سید ہونے کے ایک مغل کی بیعت اختیار کی ہے۔ جن دنوں آپ نوشہرہ چھاؤنی ضلع پشاور میں ملازمت کرتے تھے تو آپ چند روز کے لئے والد صاحب کو ملنے کے لئے ڈیرہ بابا نانک گئے ۔ انہوں نے کہا کہ تم نے بہت ہی غلط راستہ اختیار کیا ہے۔ اگر تم پر صحیح راستہ ظاہر کیا جاوے تو اسے تسلیم کر لو گے۔ آپ نے کہا کہ از روئے قرآن وحدیث اگر احمدیت سے بڑھ کر کوئی راستہ معلوم ہو جائے تو اس کو قبول کرنے میں مجھے کوئی عذر نہیں ہو گا ۔ آپ فرماتے ہیں کہ میرے والد صاحب چونکہ اہل تشیع خیال کے تھے چنانچہ انہوں نے ٹانگہ کرایہ پر لیا اور بٹالہ میں مولوی باقر علی صاحب کے ہاں لے گئے مگر وہ اتفاق سے گورداسپور گئے ہوئے تھے۔ تب انہوں نے اپنے دس بارہ رشتہ داروں کو دو پہر کے وقت ایک مکان میں اکٹھا کیا اور مجھ سے احمدیت کے حوالہ سے گفتگو کرنے لگ گئے یہاں تک کہ عشاء کا وقت ہو گیا۔ اثنائے گفتگو انہوں نے کہا کہ تو ہماری باتوں کو نہیں مانتا۔ اب ہم ایک