مکتوبات احمد (جلد سوم) — Page 404
مکتوبات احمد ۲۶۶ جلد سوم مکتوب نمبر ۳ بِسْمِ اللَّهِ الرَّحْمَنِ الرَّحِيمِ محبی عزیزی اخویم سیٹھ اسمعیل آدم سلمه نَحْمَدُهُ السلام علیکم ورحمة الله وبركاته آپ کا محبت اور اخلاص کا تحفہ جو آپ نے برخوردار محمود اور بشیر کی شادی کی تقریب پر بھیجا ہے یعنی ایک ٹوپی اور ایک اوڑھنی پہنچ گیا ہے۔ میں آپ کے اس محبانہ تحفہ کا شکر کرتا ہوں اور آپ کے حق میں دعا کرتا ہوں کہ اللہ تعالیٰ آپ کو دین اور دنیا میں اس کا اجر بخشے ۔ آمین ۔ باقی خیریت ہے۔ ۳۰ را کتوبر ۱۹۰۲ء والسلام خاکسار مرزاغلام احمد عفی عنہ نوٹ نمبر 1:۔ حضرت سیٹھ اسماعیل آدم کے نام حضرت مسیح موعود علیہ الصلوٰۃ والسلام کا یہ ایک خاص مکتوب درج کیا جاتا ہے۔ اس خط کا فوٹو الحکم کے جو بلی نمبر میں مرحوم محمود احمد عرفانی نے شائع کیا تھا۔ یہ خط اپنے اندر ایک تاریخ رکھتا ہے۔ حضرت امیر المومنین خلیفة المسیح ثانی ایدہ اللہ بنصرہ العزیز کی شادی پر مکرمی حضرت سیٹھ اسماعیل آدم نے ایک تحفہ حضرت کی خدمت میں بھیجا تھا وہ ایک ٹوپی تھی اور اوڑھنی پر ھنی تھی۔ ٹوپی پر کلابتوں سے حضرت مسیح موعود علیہ الصلوۃ والسلام کا یہ الہام درج تھا۔ فرزند دلبند گرامی ارجمند مَظْهَرُ الْاَوَّلِ وَالْآخِرِ مَظْهَرُ الْحَقِّ وَالْعَلَاءِ كَانَّ اللَّهَ نَزَلَ مِنَ السَّمَاءِ اس سے ظاہر ہے کہ حضرت سیٹھ صاحب دوسرے اکابر صحابہ کی طرح اس وقت بھی حضرت خلیفہ ثانی کے مصلح موعود ہونے کا یقین رکھتے تھے۔ نوٹ نمبر ۲:۔ حضرت سیٹھ اسماعیل آدم صاحب کے نام کے خطوط سے خود سیٹھ صاحب کی سیرۃ پر بھی ایک روشنی پڑتی ہے ۔ گو مکتوبات کی اشاعت میں مکتوب الیہ کے سوانح حیات یا سیرۃ پر بحث مقصود نہیں ۔ نصور نہیں ۔ یہ چیزیں خود ان کے سوانح حیات میں تفصیلاً اور کتاب تعارف میں اجمالاً آئیں گی ا تذکره صفحه ۱۱۰ مطبوعه ۲۰۰۴ء