مکتوبات احمد (جلد سوم) — Page 300
مکتوبات احمد ۲۳۹ جلد سوم مکتوب نمبر اے بِسْمِ اللَّهِ الرَّحْمَنِ الرَّحِيمِ محبی عزیزی میاں عبداللہ صاحب سلمہ نَحْمَدُهُ السلام علیکم ورحمۃ اللہ و برکاتہ عنائت نامہ آپ کا پہنچا۔ افسوس کہ آپ کے پہلے خط کا مضمون مجھے یاد نہیں رہا اور تعجب کہ آپ کو جواب نہ پہنچا۔ نہ معلوم کیا سبب ہوا یا شاید خط گم ہو گیا ہو۔ میاں عبدالعزیز اور ابراہیم کے لئے انشاء اللہ دعا کروں گا اور ٹیکہ اگر چہ بیہودہ سا علاج ہے اور کہتے ہیں کہ خطرہ سے خالی نہیں اور بعض اس سے مجذوم اور دیوانہ بھی ہو گئے ہیں۔ بعض طاعون کو خود بلا کر جان عزیز کھوتے ہیں مگر آپ ملازم ہیں ۔ آپ کو شاید تو کل علی اللہ لگانا ہی پڑے گا۔ میں نے ٹیکہ کے باب میں ایک رسالہ لکھا ہے جس کا نام ہے ”کشتی نوح وہ چھپ رہا ہے۔ اگر آپ دو ہفتہ کے بعد اطلاع دیں تو آپ کو پہنچ سکتا ہے۔ والسلام ۱۸ ستمبر ۱۹۰۲ء خاکسار مرزا غلام احمد عفی عنہ 66 مکتوب نمبر ۷۲ بِسْمِ اللَّهِ الرَّحْمَنِ الرَّحِيمِ محبی اخویم میاں عبداللہ صاحب سلمہ نَحْمَدُهُ وَ نُصَلِّي عَلَى رَسُولِهِ الْكَرِيمِ السلام علیکم ورحمۃ اللہ و برکاتہ آپ کا کارڈ پہنچا۔ چونکہ عمر کا اعتبار نہیں ۔ آپ کو مناسب ہے کہ دو تین ماہ کی رخصت لے کر قادیان میں آجائیں ۔ آپ کو عمر کے اوائل حصہ میں اگر چہ قادیان رہنے کا اتفاق ہوا مگر اب نہیں ہوا ۔ اب ہونا ضروری ہے ۔ اس بات میں ضرور غور کرنا چاہئے ۔ والسلام اخویم سید محمد شاہ صاحب کو سلام علیکم خاکسار ۲۷ اپریل ۱۹۰۳ء مرزاغلام احمد عفی عنہ از قادیان