مکتوبات احمد (جلد دوم) — Page 64
مکتوبات احمد ۶۴ جلد دوم مکتوب نمبر ۴۰ بِسْمِ اللَّهِ الرَّحْمَنِ الرَّحِيمِ نَحْمَدُهُ وَنُصَلِّي عَلَى رَسُولِهِ الكَرِيمِ مخدومی مکرمی اخویم مولوی حکیم نورالدین صاحب سلمه تعالی ۔ السلام علیکم ورحمۃ اللہ و برکاتہ اس خط کی تحریر سے مطلب آپ کو ایک تکلیف دینا ہے اور وہ یہ ہے کہ مرزا امام دین صاحب جو میرے چچا زاد بھائی ہیں ایک بیش قیمت گھوڑا ان کے پاس ہے جو خوش رفتار اور راجوں رئیسوں کی سواری کے لائق ہے۔ اب وہ اس کو فروخت کرنا چاہتے ہیں چونکہ ایسے گراں قیمت گھوڑوں کو عام لوگ خرید نہیں سکتے اور رئیس خود ایسی چیزوں کی تلاش میں رہتے ہیں لہذا مکلف ہوں کہ آپ براہ مہربانی رئیس جموں یا اس کے کسی بھائی کے پاس تذکرہ کر کے جدوجہد کریں کہ تا مناسب قیمت سے وہ گھوڑ ا خرید لیں ۔ اگر خریدنے کا ارادہ ان کی طرف سے پختہ ہو جائے تو گھوڑا آپ کی خدمت میں بھیجا جاوے۔ ضرور کوشش بلیغ کے بعد اطلاع بخشیں ۔ ۱۳ مارچ ۱۸۸۸ء والسلام خاکسار غلام احمد از قادیان نوٹ : باوجود یکہ میرزا امام الدین صاحب سخت معاند و مخالف تھے مگر حضرت مسیح موعود علیہ السلام نے ان کی سپارش کرنے میں مضائقہ نہیں فرمایا اور یہ موڈت فی القربی کا ایک ثبوت ہے۔ اور دشمنوں پر کرم و رحم کا ایک نمایاں نمونہ ۔ ( عرفانی ) *۔۔۔۔۔۔*۔۔۔۔۔۔*