خطبات محمود (جلد 19) — Page 545
خطبات محمود ۵۴۵ سال ۱۹۳۸ ء پس تم نے پنجتن کا کونسا ادب کیا ہے جو کہتے ہو کہ مرزا سلطان احمد صاحب چونکہ پنجتن میں نہیں اس لئے ان کی نسبت اس قسم کی بات کہنے میں کوئی حرج نہیں ۔ اس کا بغض میری ذات کی نسبت اس طرح ظاہر ہے کہ چوہدری ظفر اللہ خاں صاحب نے کہیں خلافت جو بلی فنڈ کی تحریک کر دی اب اس دن سے وہ بے چارے بھی تختہ مشق بنے ہوئے ہیں اور ہر خط میں مجھ پر جو اعتراضات ہوتے ہیں ان میں چوہدری صاحب بھی شامل ہوتے ہیں اور کئی خطوں میں یہ لکھا ہوا ہے کہ مرزا سلطان احمد اور چوہدری ظفر اللہ خاں جیسے گندے آدمی جس مقبرہ میں دفن ہو سکیں وه مقبره بہشتی مقبرہ کہاں کہلا سکتا ہے۔ اسی طرح اور بھی کئی قسم کے اعتراض چوہدری صاحب پر کئے جاتے ہیں ۔ خلافت جو بلی فنڈ کی تحریک سے پہلے تو اسے چوہدری صاحب میں کوئی عیب نظر نہ آیا مگر ادھر انہوں نے تحریک کی اور ادھر سے ان میں سو سو کیڑے نظر آنے لگ گئے ۔ حقیقت یہ ہے کہ جب کوئی شخص ایک صداقت پر اعتراض کرتا ہے تو پھر اس کا قدم ٹھہرتا نہیں بلکہ اور دوسری صداقت پر بھی اس کے اعتراض کی زد پڑنی شروع ہو جاتی ہے۔ میں نے بتایا ہے کہ روپے کے بارے میں اگر مجھ پر اعتراض کیا جاتا ہے تو یہ مجھ پر ہی نہیں بلکہ پہلوں پر بھی پڑتا ہے۔ حضرت مسیح موعود علیہ الصلوۃ والسلام پر بھی ہوا بلکہ رسول کریم صلی اللہ علیہ وسلم پر بھی ہوا ۔ حدیثوں میں آتا ہے ایک دفعہ رسول کریم صلی اللہ علیہ وسلم مال غنیمت تقسیم کرنے لگے ایک شخص آپ کے پیچھے آ کر کھڑا ہو گیا اور آپ کو غنائم کے اموال تقسیم کرتے دیکھتا رہا۔ جب آپ تمام اموال تقسیم فرما چکے تو کہنے لگا ۔ یہ ایک ایسی تقسیم ہے جس میں خدا تعالیٰ کی رضا مندی مد نظر نہیں رکھی گئی ۔ ھذه قِسْمَةٌ مَا أُرِيدَ بِهَا وَجُهُ الله " تقسیم ایسی ہوئی ہے جس میں خدا تعالیٰ کی خوشنودی کو ، مد نظر نہیں رکھا گیا ۔ رسول کریم صلی اللہ علیہ وسلم نے یہ سنا تو آپ نے اسے فرمایا۔افسوس تیری حالت پر اگر میں انصاف کو مد نظر نہیں رکھوں گا تو پھر اور کون انصاف کرے گا ۔ پھر آپ نے فرمایا ۔اس شخص کی نسل اور ہم خیالوں میں سے کچھ لوگ ایسے پیدا ہوں گے جو قرآن پڑھیں گے مگر وہ ان کے حلق سے نیچے نہیں اُترے گا ، وہ نمازیں پڑھیں گے مگر ان کا انہیں کوئی فائدہ نہیں ہوگا ، وہ دین سے اسی طرح نکل جائیں گے جس طرح تیر شکار میں سے نکل جاتا ہے ۔ تو رسول کریم صلی اللہ علیہ وسلم پر بھی یہ اعتراض ہوا اور تاریخوں میں تو صرف ایک واقعہ کا ذکر آتا ہے۔