Name: خطابات نور
Author: Hazrat Hakeem Noor-ud-Deen

خطابات نور — Page 556

جبراًلے جائوں گا۔خیر میں اس کے ساتھ اس کے آقا کے پاس چلا گیا۔وہاں بہت سی جلیبیاں رکھی تھیں اس امیر نے کہا کہ آپ ان کو کھائیں۔ہندوستان کاایک حلوائی آگیا ہے اس نے بنائی ہیں۔میں نے اس لئے آپ کو بلایا کہ آپ ہی ان کوخوب پہچان سکتے ہیں۔میں نے کہا نماز کا وقت ہے۔اس نے کہا میرا آدمی مسجد کے دروازے پر کھڑا رہے گا۔جس وقت تکبیر ہو گی وہ فوراًاطلاع دے دے گا آپ اطمینان سے کھانا شروع کریں۔چنانچہ میں نے کھانی شروع کیں اور جب میں خوب سیر ہو چکا تو فوراًاس کے آدمی نے اطلاع دی کہ تکبیر اقامت ہو رہی ہے چنانچہ میں جلدی سے مسجد کو چلا گیا۔دوسرے دن پھر سامان کوئی نہ تھا۔تم یاد رکھو میں نے اس وقت تک کبھی کوئی نقدی گری ہوئی نہیں پائی۔میں تو فارغ آدمی تھا روٹی کا فکر نہ تھا۔میں چٹائی جھاڑ کر بچھانے لگا۔چٹائی اٹھائی تو ایک اشرفی پڑی ہوئی نظر آئی۔میں نے کہا یہاں کسی دوسرے آدمی کی آمد ورفت ہے ہی نہیں۔میرا یہ مکان ہے۔میں اب کس سے پوچھوں کہ یہ اشرفی کس کی ہے۔پھر میری سمجھ میں آیا کہ رات میں نے جلیبیاں کھائی ہیں۔اب یہ اللہ تعالیٰ ہی نے بھجوائی ہے۔اللہ تعالیٰ دینے پر آئے تو اس طرح دے دیتا ہے۔اللہ تعالیٰ فرماتا ہے۔(البقرۃ:۲۸۳)۔تم تقویٰ اختیار کرو ہم علم دیں گے۔قرآن میں کوئی اشکال ہے ہی نہیں۔اگر اتفاق سے کوئی مشکل آپڑے تو اس کو خوشخط لکھ کر ایسی جگہ لٹکا دو کہ بار بارپیش نظرہوسکے اللہ تعالیٰ اس کا حل تمہارے دل میں ڈال دے گا۔یہ ایسا گُر ہے کہ ہر مشکل کے وقت تم کو مدد دے گا۔اگر یہ جھوٹی بات ہوتی تو میں تم کو سناتا ہی نہیں۔ایک شخص نے مجھ سے کہا کہ بڑے بڑے عالم اعتراض کرتے ہیں۔میں نے کہا کہ وہ خود ہی ناقص ہیں قرآن کریم کی مشکل کو اسی طرح حل کرو۔مگر یاد رکھو خدائے تعالیٰ کو آزمانے کے لئے نہیں بلکہ ضعیف ہو کر، محتاج ہو کر، فقیر ہو کر سائل بنو اور خدا تعالیٰ کاامتحان نہ کرو ورنہ وہ پرواہ نہیں کرے گا۔ایک مرتبہ میں وزیر آباد کے اسٹیشن پر پہنچا۔وہاں ایک وکیل ملاجو اس طرف کارہنے والا تھا۔مجھ سے کہنے لگا کہ کیا قرآن پڑھنا بہت ہی ضروری ہے۔میں نے کہا ہاں۔کہا کہ ہم بچوں کی طرح قرآن پڑھیں۔ہم سے اب صرف ونحو نہیں پڑھی جاتی۔میں نے کہا کہ قرآن میں قَوَلَ نہیں پہلے ہی قال موجود ہے