Name: خطابات نور
Author: Hazrat Hakeem Noor-ud-Deen

خطابات نور — Page 370

کہ اس کی نظیر نہیں ملتی یعنی تمام کاملہ صفات سے موصوف اور تمام بدیوں سے منزہ معبود۔یہی وجہ ہے کہ قرآن مجید کو جس قدر مطالعہ کرواللہ کو موصوف اور باقی صفات ہیں۔اس ایک نقطہ سے بھی آپ خاتم النبیین ثابت ہوتے ہیں۔پھر میں دیکھتا ہوں کہ کوئی شخص مہدی مجدد کرشنا مصلح ہوگا۔کچھ ہی اسے کہہ لو انگریزی الفاظ میں ریفارمر کہہ لو کچھ ہی ہو یہ ایک خوبی ہے۔مگر یہ خوبی کسی کو قیامت تک نہیں مل سکتی جب تک وہ آنحضرت کا خادم اور غلام نہ ہو۔اس سے معلوم ہوا کہ تمام روحانی فیوض کے حاصل کرنے کا ایک ہی ذریعہ ہے آنحضرت صلی اللہ علیہ وسلم اور یہ آپ کی ختم نبوت کی دلیل ہے۔آنحضرت صلی اللہ علیہ وسلم تمام خوبیوں کے جامع ہیں اور اسی لئے آپ کا نام محمدؐ ہے ساری خوبیاں تو اس نام میں جمع ہیں۔وہی رسول ہوسکتا ہے جو محمدؐ ہو۔اَب آپ کے بعد کون رسول ہوسکتا ہے؟ پس محمد کا لفظ بھی خود ختم نبوت کی دلیل ہے۔پھر میں نے غور کیا ہے کہ انسان اپنی انسانیت کے لحاظ سے ساری مخلوق پر حکمران ہے۔میں نے اپنی آنکھوں سے دیکھا ہے کہ چیتے سے شکار کراتے ہیں۔بازوں کو دیکھا ہے کہ کیسے چلے جاتے ہیں جو شکار کرکے لے آتے ہیں۔پھر کبوتر کو دیکھا ہے۔اعلیٰ درجہ کا کبوتر چوبیس گھنٹہ آسمان پر رہتا ہے۔پھر جب بلاتے ہیں تو آواز کے ساتھ واپس آجاتے ہیں۔ایک آدمی بھوکے شیر کے منہ میں سر دیتا ہے۔یہ ایک قسم کا کسب کمال ہوتا ہے پھر بہت سے لوگ سانپوں کو نچاتے ہیں۔چوہوں کو دیکھا ہے کہ ان سے تماشا کراتے ہیں۔ہاتھی گھوڑوں سے ایسا تصرّف کرتے ہیں۔انہیں کہتے ہیں مرجائو تو وہ مردہ کی طرح لیٹ جاتے ہیں اور ان کا حکم مانتے ہیں۔یہ سب انسانی اخلاق کا نتیجہ ہے مگر تو بھی یہ ایک حد کے نیچے ہوتے ہیں۔کوئی ڈاکٹر ہے‘ انجینئر ہے‘ وکیل ہے‘ اکانومسٹ ہے‘ مصلح قوم ہے‘ سپہ سالار ہے‘ فاتح ہے۔غرض کسی ایک یا دوسرے ُخلق میں بڑائی ہوگی مگر اللہ تعالیٰ آنحضرت صلی اللہ علیہ وسلم کے لئے فرماتا ہے۔(القلم :۵) جس کو خدا تعالیٰ عظیم کہے اس کی عظمت وہم میں بھی نہیں آسکتی۔(التوبۃ :۱۲۹) کا عظیم بے مثل ہوتا ہے پھر کہا تو یہ کہا زبان کی خوبیوں کے لحاظ سے یہ جملہ نہایت عجیب ہے۔