حضرت اقدس مسیح موعود علیہ السلام کے عشاق میں ایک اہم نام حضرت مفتی محمد صادق صاحب کا بھی ہے جو ابتدائی عمر میں احمدیت میں داخل ہوئے اور براہ راست امام الزمان ؑ سے تربیت پائی اور انگلستان اور امریکہ جیسے دو ر دیسوں میں اسلام احمدیت کی روشنی اور نور پھیلانے کا فریضہ نبھایا۔ اطاعت امام، خدمت دین،تبلیغ حق، تحقیق کی لگن،تاریخ کو محفوظ بنانے کا شغف، علم کا حصول اور اس کی ترویج آپ کے نمایاں اوصاف تھے۔