اس کتاب کو ابتدائی طور پر محترم پروفیسر حبیب اللہ خاں صاحب سابق قائد تعلیم مجلس انصاراللہ نے 1973ء میں مرتب کیا تھا۔ اوروقت کے ساتھ ساتھ جماعتی ترقیات اور عالمگیر فتوحات کےباعث  اس  میں اضافے لازمی تھے یوں اس کتاب کے متعدد ایڈیشن شائع ہوچکے ہیں۔ اس کتاب کی اشاعت کی اساسی غرض یہ تھی کہ اراکین انصاراللہ دینی معلومات کے لحاظ سے ایک ابتدائی معیار کو پہنچ جائیں۔ گو یہ کتاب اراکین مجلس انصاراللہ کے لئے لکھی گئی ہے۔ تاہم جہاں تک بنیادی معلومات کا تعلق ہے انصار، خدام ، اطفال ، لجنات و ناصرات سبھی اس سے استفادہ کر سکتے ہیں۔