انوارالعلوم (جلد 4) — Page 326
انوار العلوم جلد ۴ ۳۲۶ اسلام میں اختلافات کا آغاز دکھا ئیں گے۔ بوجہ اپنی قلت تعداد اب مکان کے اندر کی طرف سے حفاظت کرتے تھے۔ اور دروازہ تک پہنچنا باغیوں کے لئے مشکل نہ تھا۔ انہوں نے دروازہ کے سامنے لکڑیوں کے انبار جمع کر کے آگ لگادی تاکہ دروازہ جل جارے اور اندر پہنچنے کا راستہ مل جاوے۔ صحابہ نے اس بات کو دیکھا تو اندر بیٹھنا مناسب نہ سمجھا۔ تلواریں پکڑ کر باہر نکلنا چاہا مگر حضرت عثمان نے اس بات سے روکا اور فرمایا کہ گھر کو آگ لگانے کے بعد اور کون سی بات رہ گئی ہے۔ اب جو ہونا تھا ہو چکا۔ تم لوگ اپنی جانوں کو خطرہ میں نہ ڈالو اور اپنے گھروں کو چلے جاؤ۔ ان لوگوں کو صرف میری ذات سے عداوت ہے۔ مگر جلد یہ لوگ اپنے کئے پر پشیمان ہوں گے۔ میں ہر ایک شخص کو جس پر میری اطاعت فرض ہے اس کے فرض سے سبکدوش کرتا ہوں اور اپنا حق معاف کرتا ہوں۔ (طبری جلد ۲ صفحہ ۲۰۰۲ مطبوعہ بیروت) مگر صحابہ نے اور دیگر لوگوں نے اس بات کو تسلیم نہ کیا اور تلواریں پکڑ کر باہر نکلے۔ ان کے باہر نکلتے وقت حضرت ابو ہریرہ بھی آگئے اور بار جود اس کے کہ وہ فوجی آدمی نہ تھے وہ بھی ان کے ساتھ مل گئے۔ اور فرمایا کہ آج کے دن کی لڑائی سے بہتر اور کون سی لڑائی ہو سکتی ہے اور پھر باغیوں کی طرف دیکھ کر فرمایا يُقَومِ مَالِی ادْعُوكُمْ إِلَى النُّجُوةِ وَتَدْعُونَنِي إِلَى النَّارِ (المؤمن: ۴۲) یعنی اے میری قوم! کیا بات ہے کہ میں تم کو نجات کی طرف بلاتا ہوں اور تم لوگ مجھ کو آگ کی طرف بلاتے ہو۔ یہ لڑائی ایک خاص لڑائی تھی۔ اور مٹھی بھر صحابہ جو اس صحابہ" کی مفسدوں سے لڑائی وقت جمع ہو سکے انہوں نے انے اس لشکرِ عظیم کا مقابلہ جان توڑ کر کیا۔ حضرت امام حسن جو نہایت صلح جو بلکہ صلح کے شہزادے تھے انہوں نے بھی اس دن رجز پڑھ پڑھ کر دشمن پر حملہ کیا۔ ان کا اور محمد بن طلحہ کا اس دن کا رجز خاص طور پر قابل ذکر ہے کیونکہ ان سے ان کے دلی خیالات کا خوب اندازہ ہو جاتا ہے۔ حضرت امام حسن یہ شعر پڑھ کر باغیوں پر حملہ کرتے تھے۔ لا دِيْنُهُمْ دِيْنِي وَلَا أَنَا مِنْهُمْ حَتَّى أَسِيرَ إِلَى طَعَارٍ شَمَامِ طبری جلد ۶ صفحه ۳۰۱۴ مطبوعہ بیروت) یعنی ان لوگوں کا دین میرا دین نہیں اور نہ ان لوگوں سے میرا کوئی تعلق ہے اور میں ان سے اس وقت تک لڑوں گا کہ شمام پہاڑ کی چوٹی تک پہنچ جاؤں۔ تمام عرب کا ایک پہاڑ ہے جس کو بلندی پر پہنچنے اور مقصد کے حصول سے مشابہت دیتے ہیں۔ اور حضرت امام حسن کا یہ