انوارالعلوم (جلد 4) — Page 96
انوار العلوم جلد ۴ ۹۶ علم حاصل کرو روپے خرچ کرکے اور تکالیف برداشت کرکے جاتے ہیں اگر اپنے گھر پر ہی اس فرض کے ادا کرنے کا موقع مل جائے تو اور کیا چاہئے۔ یہ تو ہمارے لئے بہت آسان کام ہے اس لئے غیر احمدیوں کا یہاں جلسہ کرنا ہمارے لئے مفید اور خوشی کی بات ہے کیونکہ جن لوگوں کو ہم نہیں جگا سکتے ان کو وہ گھر کے ہونے کی وجہ سے جگا گئے ہیں۔ چنانچہ ان کے جلسہ کے بعد یہاں اور ارد گرد کے غیر احمدیوں میں مذہبی باتوں کا خوب چرچا ہو گیا ہے اور یہ ان لوگوں کی بیداری کی ایک علامت ہے۔ پھر ان کے جلسہ سے ہمیں یہ فائدہ ہو گیا کہ ہمارے مبلغوں کو کرایہ بھر کر اور کہیں نہ جانا پڑا بلکہ وہ لوگ خود بخود کرایہ دے کر یہاں آگئے۔ ان ایام میں میں نے رات کو جلسے کرا دیئے تھے جن میں وہ لوگ آکر سنتے رہے۔ یہ تو مولویوں کے کارنامے ہیں مگر تو تعلیم یافتہ گروہ بھی خاموش نہیں رہا۔ ولایت سے قدوائی اور دوسرے کئی لوگ ہمارے خلاف مضامین لکھنے لگ گئے ہیں، بعض اخبارات بھی ہمارے متعلق لکھنے کیلئے وقف ہو گئے ہیں، شاء اللہ کا اخبار تو پرانی بیماری تھی ہی ایک نیا اخبار ستاره صبح بھی نکلا ہے جس کے ایڈیٹر نے سمجھ رکھا ہے کہ کسی گورنمنٹ کا مقابلہ کرنے سے ہی شہرت حاصل ہو سکتی ہے کیونکہ اس طرح ایک شور پڑ جاتا ہے اس لئے اس نے پہلے تو دنیاوی گورنمنٹ کا مقابلہ کیا مگر جلد ہی اس کی گرفت اسے نظر آگئی۔ جب ضمانت اور مطبع وغیرہ ضبط ہو گیا اور اسے نظر بند کر دیا گیا تو اسے قدر عافیت معلوم ہوئی اور وہ اس گورنمنٹ کے پیچھے پڑنا چھوڑ کر خدائی گورنمنٹ کے پیچھے پڑ گیا اور دنیاوی گورنمنٹ کے مقابلہ میں ناکامی اور زک اٹھا کر خدائی گورنمنٹ کے مقابلہ کیلئے کھڑا ہو گیا لیکن کیا وہ نادان نہیں جانتا کہ دنیاوی گورنمنٹ کی نسبت خدائی گورنمنٹ کی گرفت بہت سخت ہوتی ہے۔ مشہور ہے کہ خدا کی لاٹھی نظر نہیں آتی مگر یہ غلط ہے۔ ایسی نظر آتی ہے کہ صرف وہی نہیں دیکھتا جس کے اوپر پڑتی ہے بلکہ اس کے دوسرے ساتھی بھی اس کا مزا چکھتے ہیں۔ پس وہ تسلی رکھے حضرت مسیح موعود" فرماتے ہیں ۔ ۔ F یہ گماں مت کر کہ یہ سب بد گمانی ہے معاف قرض ہے واپس ملے گا تجھ کو یہ سارا ادھار خدا کسی کا کچھ نہیں رکھتا۔ اسے سب کچھ واپس مل جائے گا۔ پھر صوفیاء کا گروہ ہے۔ اس نے دیکھا کہ کچھ لوگ ہمارے سلسلہ کی مخالفت کرنے کی وجہ سے ہم سے آگے بڑھ گئے ہیں ہم زمام دین ہاتھوں میں رکھنے والے کیوں ان سے پیچھے رہ