انوارالعلوم (جلد 19) — Page 506
انوار العلوم جلد ۱۹ ۵۰۶ سیر روحانی (۴) کے لئے ہے۔ آپ نے یہ رویا دیکھی تو گھبرا کر آپ کی آنکھ کھل گئی کہ ابو جہل کے لئے جنت سے انگوروں کا خوشہ آنے کے کیا معنے ہیں ؟ مگر بعد میں جب اس کا بیٹا عکرمہ مسلمان ہو گیا تب اس خواب کی حقیقت آپ پر ظاہر ہوئی اور آپ نے فرمایا ابو جہل کے لئے جنت کے انگوروں کا خوشہ بھجوانے کی تعبیر یہ تھی کہ اس کا بیٹا مسلمان ہو جائے گا۔ آپ کو دکھایا گیا کہ آپ ایک مقام کی طرف ہجرت کریں گے جہاں کثرت سے کھجوروں کے درخت ہوں گے آپ کا ذہن نخلہ مقام کی طرف گیا کہ غالباً وہاں ہجرت مقدر ہے اسی لئے آپ طائف بھی تشریف لے گئے تھے مگر وہاں کے لوگوں نے آپ کی شدید مخالفت کی پتھروں سے آپ زخمی ہوئے اور کوئی شخص آپ کے دعوئی پر غور کرنے کے لئے تیار نہ ہوا۔ یا مثلاً ایک صحابی کے ہاتھ میں آپ نے کسری شاہ ایران کے کنگن دیکھے جس کی تعبیر یہ تھی کہ کسری کی حکومت مسلمانوں کے ہاتھوں فتح ہونے والی ہے مگر دکھایا یہ گیا کہ کسری کے کنگن ایک شخص نے پہنے ہوئے ہیں ۔ اسی طرح آپ نے دیکھا کہ آپ کے ہاتھ میں خزائن الأرض کی چابیاں دی گئی ہیں، مگر یہ چابیاں آپ کے ہاتھ میں نہیں بلکہ حضرت عمر رضی اللہ عنہ کے ہاتھ میں آئیں ۔ پھر آپ کو بتایا گیا کہ آپ کی وفات کے بعد آپ کی بیویوں میں سے سب سے پہلے لمبے ہاتھوں والی بیوی فوت ہوگی ۔ آپ کی بیویوں نے یہ بات سنی تو انہوں نے فوراً اپنے ہاتھ ناپنے شروع کر دیئے کہ دیکھیں سب سے لمبے ہاتھ کس کے ہیں؟ انہیں معلوم ہوا کہ سب سے لمبے ہاتھ حضرت سودہ رضی اللہ عنہا کے ہیں مگر جب وفات ہوئی تو حضرت زینب رضی اللہ عنہا کی ہوئی تب معلوم ہوا کہ لمبے ہاتھوں سے مراد ظاہری ہاتھوں کی لمبائی نہیں تھی بلکہ یہ سخاوت کی طرف اشارہ تھا۔ عربی محاورہ کے مطابق جب کسی کو لمبے ہاتھ والا کہا جائے تو اس سے مراد یہ ہوتی ہے کہ وہ بہت بڑا سخی ہے ۔ حضرت زینب رضی اللہ عنہا چونکہ تمام بیویوں میں سے سب سے بڑاتی ۔ زیادہ سخی تھیں اس لئے پیشگوئی کے مطابق سب سے پہلے انہی کا انتقال ہوا۔ علم تعبیر الرویا کے رو سے ثریا کا مفہوم اسی طرح جب رسول کریم صلی اللہ علیہ وسلم نے فرمایا کہ لَوْ كَانَ الْإِيْمَانُ عِندَ الثَّرَيَّا لَنَا لَهُ رَجُلٌ مِّنْ هَؤُلَاءِ